«Astana-Premier Tech» komandasy Ispaniiadaǵy «Výelta» kópkúndigine qatysatyn sportshylar tizimin jariia etti, dep habarlaidy "Ult aqparat" Ulttyq Olimpiada komitetine silteme jasap.
Atalǵan velojarysta komanda namysyn Aleksandr Vlasov, Ion jáne Gorka Isagirre, Lýis Leon Sanches, Omar Fraile, Oskar Rodriges, Aleks Aranbýrý, sondai-aq, qazaqstandyq jas shabandoz Iýrii Natarov qorǵaidy.
«Biz Ispaniiaǵa myqty qurammen bara jatyrmyz. Sondyqtan, ózimizdi jaqsy qyrymyzdan kórsetemiz degen oi bar. Ótken jylǵy nátijeni jaqsartý úshin jumys isteimiz. Olimpiadadan keiingi azǵantai merzimde sportshylar qalpyna kelip úlgerdi. 24 jastaǵy jas sportshymyz Iýrii Natarov «Úlken týrdaǵy» alǵashqy jarysyna qatysýǵa daiyn», - deidi komanda menedjeri Dmitrii Fofonov.
