Fýtboldan Qazaqstan chempionatynyń jetinshi týrynda «Astana» klýby óz alańynda «Aqjaiyqty» qabyldady, dep habarlaidy "Ult aqparat".
Elordalyqtar týrnir kestesinde jekedara kósh bastasa, oraldyqtar toǵyzynshy orynda turǵan-dy.
Birinshi taim basynda Marin Tomasovtan pas alǵan Armeniia quramasynyń shabýylshysy Tigran Barsegian qaqpa buryshyn dál kózdedi – 1:0.
Ekinshi taimda «Aqjaiyqtyń» bas bapkeri Vladimir Maziar biraz oiynshyny almastyryp, matchqa tyń lep berýge tyrysty. Qonaqtardyń birneshe soqqysynan keiin dop «Astananyń» qaqpashysy Dmitrii Nepogodovtyń qolynan tabylyp jatty. Sol siiaqty Sergei Litovchenko da budan keiin óz qaqpasyna dop jibergen joq.
Osylaisha 1:0 esebimen jeńiske jetken elordalyqtar 20 upaimen oq boiy uzap ketti. Óitkeni ekinshi oryndaǵy Qostanaidyń «Tobyly» Aqtaýda «Kaspiiden» 1:2 esebimen utylyp qaldy.
