Foto: QR UQK
Ulttyq qaýipsizdik komiteti terrorizmdi nasihattady degen kúdikpen úsh adamnyń ustalǵany týraly habarlady.
2024 jylǵy 2-3 mamyrda Astana jáne Pavlodar qalalarynda Ulttyq qaýipsizdik komiteti Ishki ister ministrligimen birlesip jáne prokýratýramen kelise otyryp, Qazaqstannyń úsh azamatyn qolǵa túsirdi.
Ulttyq qaýipsizdik komitetiniń habarlaýynsha, olar terrorizmdi nasihattady jáne respýblika aýmaǵynda tyiym salynǵan dini-ekstremistik uiymnyń qyzmetine qatysty degen kúdikke ilingen.
Tintý kezinde dini ádebietter men basqa da zattai aiǵaqtar tárkilendi. Kúdiktiler buryn ártúrli qylmys jasaǵany úshin sotty bolǵan.
Qylmystyq kodekstiń 256 jáne 405-baptary boiynsha sotqa deiingi tergeý amaldary júrgizilýde. Qylmystyq is júrgizý kodeksiniń 201-babynyń 1-bóligine sáikes ózge de málimetter jariia etilýge jatpaidy.
