Kelesi oqý jylynan bastap elorda mektepterine jańa "Psihologiia jáne ózin-ózi damytý" páni engiziledi. Bul týraly Elorda Info tilshisine "Astana daryny" daryndylyqty damytý jáne psihologiialyq qoldaý ortalylyǵynyń ǵylymi konsýltanty Aleksandr Teslenko.
"Kelesi jyldan bastap Astananyń bilim berý júiesine arnaiy balalar psihologiiasy jáne ózin-ózi damytý páni enedi. Bul pán tek kitaptaǵyny oqytýmen shektelmeidi. Balalarǵa ózderin kim ekenin túsinýge kómektesetin interaktivter men treningter qoldanylady. Kýrs birneshe mektepke yńǵailanyp ázirlendi. Jańa pán 5-synyptyń mektep baǵdarlamasyna engiziledi", — dedi Aleksandr Teslenko.
Ǵylymi konsýltant Dúniejúzilik densaýlyq saqtaý uiymynyń mektep oqýshylarynyń 70 % túzetý kómegine muqtaj ekenin mysalǵa keltirdi. Zamanaýi balalar illiýziialyq álemde ómir súredi, ómirdiń qiyn kezeńinde ózderin qalai ustaý kerektigin bilmeidi. Bul elordalyq oqýshylarǵa da qatysty.
"Astanada qalyptasqan jaǵdai alańdatarlyq – sýitsid jasaýǵa árekettený nemese óz-ózine qol salý bar. Kóp jaǵdaida bul árekettiń sebebi anyqtalmai jatady. Balalar kóptegen strestik faktorlardyń ortasynda qalyp, eń sońynda jinaqtalyp sońy qaiǵyly jaǵdaimen aiaqtalady. Sebebi olar ózderin ekstremaldyq jaǵdaida qalai ustaý kerektigin bilmeidi. Mektep psihologtary osyndai jaǵdaida ózderin qalai ustaý kerektiginiń stsenariii men algoritmin berip otyrady. Sabaq fakýltativ retinde ótkenimen onyń baǵasy attestatqa engiziledi", — dedi ol.
Balalardyń psihologiialyq jaǵdaiyn kompiýterlik diagnostika arqyly anyqtaityn bolady. Ol úshin qalada segiz diagnostikalyq ortalyq ashý josparlanyp otyr. Negizinen olar mektepterde bolady.
"Astananyń bilim basqarmasy psihologiialyq jaǵdaiyn kompiýterlik diagnostika ádistemesin alý úshin Sankt-Peterbýrgtiń firmasymen kelisim jasaidy. Oqýshylar diagnostikany kompiýterlik ortalyqtarda ótedi. Psihologtar balalardyń jaǵdaiyn avtomatty túrde óńdelgen nátijeni alady. Biz táýekeldi topqa jatatyn topty anyqtaýǵa qajetti aqparatty alyp, ári qarai maqsatty túrde solarmen jumys isteimiz", — dedi ol.
Buǵan qosa mektep psihologtarynyń biliktiligin arttyrýǵa asa mán beriletinin aitty.
"Bizdiń psihologtardyń daiyndyǵy zamanaýi tájiribege sáikes kelmeidi. Sondai-aq maman tapshylyǵy jii kezdesedi. Kóbine eńbek aqy kólemi unamaidy. Jańa pán qarjylyq qalyptastyrýy jaqsartýǵa septigin tigizedi. Sonymen birge psihologtarǵa arnalǵan oqý seminarlaryn ótkizýdi kózdep otyrmyz", — dedi Aleksandr Teslenko.
Sóz sońynda konsýltant Astanada áleýmettik psihologiialyq kómek qyzmeti tutas ózgertiletinin aitty. Ata-analar klýbtary qurylyp, onda psihologtar ata-analarǵa kez kelgen jaǵdaida ózderin qalai ustaý kerektigine usynys beretin bolady.
