Telegram-arnalardyń birinde belgisiz bireý Astana mektepterinde adamdardy jappai óltiretini týraly habar tarady. Qalalyq Politsiia departamenti ókilderi bul habarlamaǵa qatysty túsinik berdi, - dep habarlaidy «Ult aqparat».
Anonim Telegram-arnada avtor 19 sáýirde "mektepterge basyp kirip, balalardy óltiretini" týraly aityp, jurtty shoshytqan. Anonim avtor jazbaǵa qarýdyń da sýretin salyp qoiǵan.
Qalalyq Politsiia departamenti ókilderi bul jalǵan aqparat ekenin eskertti.
"Daiyndalyp jatqan terrorizm aktisi týraly kórineý jalǵan habardy taratý 5 myń ailyq eseptik kórsetkish mólsherinde aiyppul salýǵa ne 5 jylǵa bas bostandyǵynan aiyrýǵa jazalanatynyn eske salamyz", - dep habarlady Astana qalasynyń politsiia departamenti.
Aita keteiik, jyl basynda Qazaqstannyń basqa da qalalarynda mektepterde terrorizm aktisi daiyndalyp jatqany týraly jalǵan aqparattar taraǵan bolatyn.
