Astana meditsina ýniversitetine jańa rektor taǵaiyndaldy, dep habarlaidy "Ult aqparat" oqý ornynyń baspasóz qyzmetine silteme jasap.
Aita keterligi, búgin Astana meditsina ýniversiteti rektory qyzmetine úmitkerdi tańdaý boiynsha jumys komissiiasysynyń otyrysy birinshi ret Facebook paraqshasynda tikelei efirden kórsetildi. Rektorlyqqa úmitkerler oqý ordasynyń aldaǵy 5 jylǵa arnalǵan baǵdarlamasyn usyndy. Ár prezentatsiiadan soń úmitkerlerge konkýrs komissiiasynyń músheleri ǵana emes, transliatsiia kórermenderi de suraq qoidy.
Konkýrs qorytyndysy boiynsha bes úmitkerdiń arasynan «Astana meditsina ýniversiteti» kommertsiialyq emes aktsionerlik qoǵamynyń rektory - Basqarma tóraǵasy bolyp litvalyq ǵalym, professor Dainiýs Pavalkis taǵaiyndaldy. Aita ketý kerek, ol 2012-2015 jyldary Litva Respýblikasynyń Bilim jáne ǵylym ministri qyzmetin atqarǵan.
Dainiýs Pavalkis 1960 jyly 5 mamyrda Litvanyń Kaýnas qalasynda dúniege kelgen. 1978 jyly Kaýnas meditsina institýtynyń jalpy meditsina fakýltetin bitirgen.
1990 jyly Máskeýdiń proktologiia ǵylymi-zertteý institýtyn (Resei) jáne Litvanyń Kaýnas meditsinalyq institýtyn bitirdi. Meditsina ǵylymdarynyń doktory.
1993 jyldyń qańtarynan qyrkúiek aiyna deiin Londondaǵy Sent-Mark aýrýhanasynda hirýrg kómekshisi bolyp jumys istedi.
1995 jyly Litvanyń Kaýnas meditsinalyq akademiiasynda dotsent dárejesin aldy.
1995 jyly Litvadaǵy Kaýnas meditsinalyq akademiiasynyń assistenti boldy.
1995 jyldyń qyrkúieginen qazan aiyna deiin Niý-Iorktegi Memorial Sloan-Ketting Cancer Center-da jáne Massachýsetstiń Berlington qalasyndaǵy Lahey Klinikasynda ǵylymi taǵylymdamadan ótti.
1997 jyldyń mamyr-maýsym ailarynda Afinanyń Agia Sophia ýniversitetiniń aýrýhanasynda, jáne Erytheon ýniversitetniń aýrýhanasynda, Portýgaliianyń Coimbros ýniversitetiniń aýrýhanasynda internatýra ótti.
2009 jyly Kaýnas meditsina ýniversitetiniń professory, Litva.
1986-1993 jyldary Litvanyń Kaýnas meditsina institýtynda hirýrg kómekshisi bolyp jumys istedi.
1993-1995 jyldary Litvanyń Kaýnas meditsina akademiiasynyń bas dárigeri bolyp jumys istedi.
1995 jyldan 1997 jylǵa deiin Kaýnas meditsinalyq ýniversitetiniń aýrýhanasynda jáne Litva Kaýnas aýdandyq aýrýhanasynda bas hirýrg bolyp jumys istedi.
1997 jyldan 2007 jylǵa deiin Litvanyń Kaýnas ýniversiteti aýrýhanasynda hirýrgiia kafedrasynyń meńgerýshisi boldy.
1997 jyldan 2010 jylǵa deiin Litvanyń Kaýnas Ýniversitettik aýrýhanasynda hirýrgiia departamentiniń kolo-proktologiia bóliminiń bastyǵy boldy.
2006 jyldan bastap 2012 jylǵa deiin Litvanyń Kaýnas ýniversitetiniń aýrýhanasynda hirýrgiia kafedrasynda professor bolyp jumys istedi.
2010-2011 jyldar aralyǵynda Litvanyń Baltyq-Amerikalyq aýrýhanasynyń jalpy meditsina kafedrasynyń direktory boldy.
2010 jyldan bastap 2012 jylǵa deiin Litva densaýlyq ǵylymy ýniversitetinde professor bolyp jumys istedi.
2012 jyldan bastap 2015 jylǵa deiin Litva Respýblikasynyń Bilim jáne ǵylym ministri qyzmetin atqardy.
2015 jyldan qazirgi ýaqytqa deiin Litvanyń Kaýnas klinikasynyń innovatsiia jáne damý bóliminiń meńgerýshisi. Litva densaýlyq ǵylymy ýniversitetiniń hirýrgiia fakýltetiniń professory.
Eýropa Komissiiasynyń Konsýltativtik tobynyń múshesi RISE HL, zertteý, innovatsiia jáne ǵylymi saiasat jónindegi sarapshylar toby. SPH múshesi, Eýropalyq Komissiianyń densaýlyq saqtaý boiynsha ǵylymi toby. Kaýnas qalasy meriniń keńesshisi.
