«Astana LRT» JShS-nyń burynǵy basqarma tóraǵasy Talǵat Ardanǵa halyqaralyq izdeý jariialandy. Bul týraly Úkimet úiinde ótken baspasóz máslihatynda kompaniianyń qazirgi basshysy Bekmyrza Igenberdinov málim etti, dep habarlaidy QazAqparat tilshisi.
«Astana LRT» JShS-nyń burynǵy basqarma tóraǵasy Talǵat Ardanǵa qatysty Sybailas jemqorlyqqa qarsy is-qimyl agenttigi departamenti tarapynan qylmystyq is qozǵaldy. Ony qamaýǵa alý týraly ótinishhat joldandy», - dedi B. Igenberdinov.
Onyń sózine qaraǵanda, T. Ardanǵa qatysty sottyń syrttai sheshimi shyǵarylǵan.
«Oǵan halyqaralyq izdeý jariialandy. Qazirgi kezde Interpol osy máselemen ainalysyp jatyr», - dep naqtylady ol.
