Astana LRT isi boiynsha sot úkimi 28 mamyr kúni saǵat 16.00-de shyǵatyn boldy, dep habarlaidy "Ult aqparat".
Búgin «Astana LRT» isi boiynsha ótken kezekti sot otyrysynda sottalýshylar sońǵy sózin aitty.
Aiyptalýshylar men olardyń ókili Dýlat Músenov pen Dáýren Ábdihamitov sońǵy sózinde sýdiadan barynsha ádil sheshim shyǵarýyn ótindi.
Sottalýshylardyń sońǵy sózinen keiin sýdia Qajymuqan Mekemtas sot otyrysynyń aiaqtalǵanyn málim etti.
Onyń sózine sensek, sot úkimi 28 mamyr kúni saǵat 16.00-de shyǵady.
Eske salsaq, Memleket basshysy Qasym-Jomart Toqaev Nur-Sultan qalasynyń ákimdiginde ótken májiliste LRT qurylysy isin tergeýdi jedeldetýdi tapsyrǵan bolatyn.
Isti tergeý 2020 jyldyń basynda aiaqtaldy. Tergeý kezinde 10-nan astam adamnyń jaýapkershiligi tekserildi.
Sondai-aq, 3 adamǵa Interpol jelisi arqyly izdeý jariialanǵan.
Is sotqa 2020 jyldyń 2 qazanynda joldandy.
Sybailas jemqorlyqqa qarsy is-qimyl agenttigi 2-departamentiniń basshysy Sergei Perov osy iske qatysty kúdikti dep tanylǵan Talǵat Ardan men Qanat Sultanbekovtiń qaida júrgeni týraly aqparat bar ekenin málimdegen edi.
