«Astana LRT» JShS ataýynyń City transportation systems, iaǵni CTS bolyp ózgerýine bailanysty qala turǵyndary kólik kartasyn qaita satyp alýǵa mindettele me? Kompaniia basshylyǵy osy suraqqa jaýap berdi, dep habarlaidy QazAqparat.
«Ózderińiz kórip otyrǵandai, biz kompaniiamyzǵa rebrending jasap jatyrmyz. Tilshiler tarapynan «rebrending kompaniiaǵa qanshaǵa tústi» degen suraq túsip jatyr. Álbette, bizdiń kompaniia óz-ózin qarjylandyrady, biýdjetten aqsha almaidy. Rebrending te shyǵyn keltirip jatqan joq. Bul – kompaniianyń qajettiligi. Mysaly kompaniianyń jańa logotipin daiyndaýǵa bar-joǵy 100 myń teńge ketti», - deidi kompaniianyń basqarma tóraǵasy Bekmyrza Igenberdinov.
Onyń aitýynsha, halyq kólik kartasyn qaita satyp alýǵa mindetti emes.
Eske sala ketsek buǵan deiin elordadaǵy qoǵamdyq kólikke jaýapty «Astana LRT» JShS ataýy ózgergenin habarlaǵan edi.
«Áý basta elordadaǵy halyqtyń sany 1 millionǵa tek 2030 jyly jetedi dep boljanǵan edi. Alaida ózderińiz kórip otyrǵandai, qala tez ósip keledi. Kompaniianyń jumysyn jandandyryp, rebrending júrgizip jatyrmyz. Budan bylai kompaniiamyzdyń ataýy - City transportation systems, iaǵni qysqarta aitqanda CTS bolmaq», - dedi elordada ótip jatqan kórme-konferentsiia barysynda Bekmyrza Igenberdinov.
