Aqmola oblysynyń əkimi Ermek Marjyqpaev astana kúnine orai meditsina qyzmetkerleri men BAQ ókilderin QR memlekettik nagradalarymen marapattady, dep habarlaidy "Ult aqparat".
Karantin talaptaryn qatań saqtai otyryp, oblystyq ákimdikte ótken sharada aimaq basshysy Ermek Marjyqpaev qazaqstandyqtar úshin mańyzdy mereke sanalatyn astana kúnimen barsha aqmolalyqtardy quttyqtap, elordanyń qalyptasýy men damýyna jəne óńirdiń əleýmettik-ekonomikalyq damýyna eleýli úles qosqan azamattarǵa alǵys bildirdi. Sondai-aq, pandemiia kezinde aldyńǵy shepte júrgen meditsina qyzmetkerleri men BAQ ókilderin QR memlekettik nagradalarymen marapattady.
«Qazir álemdik qaýymdastyqtyń aldynda mańyzdy mindet tur. Koronavirýs pandemiiasy milliondaǵan adamnyń densaýlyǵyna qaýip tóndirýde. Bul qiyn ýaqytta sizder osy dertpen kúrestiń aldyńǵy qatarynda júrsizder. Kún saiyn bizdiń óńirde virýstyń taralýymen kúresip, azamattarymyzdyń amandyǵyn saqtap kelesizder. Óz kezeginde memleketimiz sizderge úlken qoldaý kórsetip jatyr», - dep atap ótti aimaq basshysy quttyqtaý sózinde.
Olardyń arasynda Q.Qurmanbaev atyndaǵy Aqmola oblystyq týberkýlezge qarsy dispanseriniń bas dárigeri Qasymjan Táshmetov «Parasat» ordenimen, Aqmola oblysy densaýlyq saqtaý basqarmasy janyndaǵy «Kókshe» oblystyq ońaltý ortalyǵynyń bas dárigeri Jumabek Mahashev, Býrabai aýdanyndaǵy «Býrabai» oblystyq balalardy ońaltý ortalyǵynyń bas dárigeri Qalel Rahmatýlin «Qurmet» ordenimen, Q.Qurmanbaev atyndaǵy Aqmola oblystyq týberkýlezge qarsy dispanseriniń bólimshe meńgerýshisi Nurlybek Seitenov pen dárigeri Liliia Vysotskaia «Ereń eńbegi úshin» medalimen, Aqmola oblystyq kópbeiindi aýrýhananyń qyzmet basshysy Sarjan Qalmuratov, Q.Qurmanbaev atyndaǵy Aqmola oblystyq týberkýlezge qarsy dispanseriniń aǵa meiirbikesi Roza Salyqova «Shapaǵat» medalimen, Aqmola oblystyq týberkýlezge qarsy dispanseriniń meiirbikeleri Baqytjan Kenjebolatova men Áigerim Baimaǵambetova, Kókshetaý qalalyq kópbeiindi aýrýhanasynyń aǵa meiirbikesi Aqmaral Ysqaqova Qazaqstan Respýblikasynyń Qurmet gramotasymen nagradtaldy.
Sonymen qatar, Aqmola oblystyq «Kókshe» telearnasy direktorynyń orynbasary Berik Ábdilmanov jáne osy telearnanyń shef-redaktory Mádina Smaǵulova Qazaqstan Respýblikasy Prezidentiniń alǵys hatymen, al «Kókshetaý» qalalyq gazetiniń bas redaktory Serik Jetpisqaliev «Aqparat salasynyń úzdigi» tósbelgisimen marapattaldy.
