Elordada qala kóshelerindegi jańbyr sýyn sorýǵa 60-tan astam tehnika jumyldyryldy, dep habarlaidy QazAqparat.
«Qala boiynsha sýdy sorýǵa 60-tan astam tehnika jumyldyryldy. Nóser kárizi men tazartý qurylysyn salý jáne qýatyn keńeitý boiynsha jumystardy qala ákimdigi júieli túrde júrgizip jatyr. Mysaly, buryn 146 problemalyq ýchaske nóser salý esebinen sý basý máselesi sheshildi», - dep atap ótti elorda ákimdiginiń baspasóz qyzmetinen.
Ákimdik málimetinshe, 130 shaqyrymnan astam nóser kárizi men aryq-naýa júiesi salyndy. Myńǵa jýyq baqylaý, jańbyr qabyldaǵysh qudyǵy, sondai-aq 20 shaqyrym kollektor tazartylyp, 6,5 myń qubyr býlandyryldy.
Almaty aýdanynda (Sh.Qaldaiaqov kóshesi), jańa vokzal, Uly dala dańǵylynda jáne taǵy basqa jerlerde nóser káriziniń qurylys jumystary júrgizilip jatyr.
