Buǵan deiin Qazaqstan ulttyq quramasyn jattyqtyrǵan cheh mamany Mihal Bilek «Astana» fýtbol klýbynyń bas bapkeri qyzmetine taǵaiyndaldy, – dep habarlaidy klýbtyń baspasóz qyzmeti.
Mihal Qazaqstan quramasynan bólek, óz elindegi «Teplitse», «Hmel», «Viktoriia» (Plzen), «Sparta» (Praga), «Vysochina», «Fastav» klýbtarynda jáne Chehiia Ulttyq quramasy men jastar quramasynda bapkerlik qyzmet atqarǵan. Sondai-aq, Kosta-Rikanyń «Kartahines», slovakiialyq «Rýjomberoke», Grýziianyń «Dinamo» (Tbilisi) klýbtarynda eńbek etken.
Chehiia ulttyq quramasymen birge Eýropa chempionatynyń shirek finalyna shyǵyp, Chehiianyń jasóspirimder quramasymen EÝRO birinshiliginde qola júldege qol jetkizgen. Sondai-aq, «Sparta» komandasymen el chempionatynda top jaryp, Chehiia kýbogyn jeńip alǵan.
Buǵan deiin habarlaǵanymyzdai, fýtboldan Qazaqstannyń alty dúrkin chempiony "Astananyń" ýkrainalyq bapkeri Roman Grigorchýk qyzmetinen ketti.
