Astana memlekettik qyzmet haby COVID-19 pandemiiasymen kúreste memleketter úkimetterine qoldaý kórsetý maqsatynda praktikterdiń Virtýaldy Aliansyn iske qosty. Qazir platformada Eýropalyq Odaq, TMD, Koreia Respýblikasy jáne halyqaralyq uiymdar tájiribelerin kórsetetin praktikalyq materialdar jinaqtalǵan. Virtýaldy alań materialdardyń kelip túsýine bailanysty keńeie túsedi, dep habarlaidy "Ult aqparat".
Virtýaldy Alians - Hab qatysýshy elderi men seriktesteriniń zertteýleri, innovatsiialyq sheshimderi men tehnologiialary jinaqtalǵan tsifrly alań. Qazirgi praktikter alianstary qatysýshylarymen ózara árekettestik nátijesinde alynǵan saraptamalyq materialdar pandemiia jaǵdaiynda memlekettik basqarý tiimdiligin arttyrýǵa, kórsetiletin memqyzmet sapasyn kóterýge jáne olardyń saldaryn daǵdarystan keiingi kezeńde joiýǵa baǵyttalǵan.
«Virtýaldy Alians qurý qajettiligi, birinshiden, álemdegi tótenshe jaǵdaidyń aýqymdylyǵyna, ekinshiden, sarapshylar men praktikter tarapynan Habtaǵy materialdarǵa qyzyǵýshylyq joǵarlaýymen, úshinshiden, qazirgi jaǵdaida tájiribe almasý men innovatsiialar daiarlap, engizý mańyzdylyǵyna bailanysty týyndady», - delingen baspasóz baianynda.
Málimetke qaraǵanda, búgingi tańda qazirgi jaǵdai ereksheligine qarai memlekettik basqarýdaǵy ozyq innovatsiialyq sheshimder boiynsha Hab birqatar memleketter men halyqaralyq uiymdardan aqparat aldy. Olar - Ázerbaijan, Armeniia, Grekiia, Qazaqstan, Portýgaliia, Koreia Respýblikasy jáne BUU eriktilerge arnalǵan baǵdarlamasy (UNV), Halyqaralyq personaldy basqarý assotsiatsiiasy (IPMA-HR, AQSh) jáne GmbH innovatsiialar boiysha DO mektep-zerthanasy (Germaniia).
Máselen, ázerbaijandyq áriptesterdiń karantin kezeńinde azamattardyń qozǵalysyn onlain-tirkeý tájiribesi Qazaqstanda qoldanys tapqan. Túrkistan ákimdigi osyndai júieni sátti engizip, Qazaqstannyń basqa aimaqtary men qatysýshy –memleketter qyzyǵýshylyq tanytty.
Sonymen qatar, Virtýaldy Aliansta qatysshýy-elderdegi sátti keister negizinde memlekettik basqarý, bilim berý, meditsina jáne ekonomika salalary boiynsha ózekti saraptamalyq jáne praktikalyq materialdar jinaqtalǵan. Bul tsifrlyq alań úkimetke, seriktesterge, zertteýshilerge jáne múddeli tulǵalarǵa kóptegen memleketterdiń tájiribelerin zerdeleýge jáne pandemiia jaǵdaiynda memlekettik basqarýdyń tiimdiligin arttyrýǵa baǵyttalǵan ózindik erekshe sheshim jasaýǵa múmkindik beredi.
Osy rette Hab pandemiia kezindegi úzdik tájiribe ján nátijelermen bólisýg shaqyrady. Habtyń saitynda usynylǵan materialdardy myna silteme arqyly taba alasyzdar: https://www.astanacivilservicehub.org/ru/page/covid-19
