Seýlde Astana memlekettik qyzmet haby basqarýshy komitet tóraǵasy Álihan Baimenov Koreia Respýblikasy Ishki ahýal jəne qaýipsizdik ministri Chin Iong (Shin Yong) myrzamen kezdesti, dep habarlaidy "Ult aqparat" uiymnyń baspasóz qyzmetine silteme jasap.
Kezdesý barysynda Álihan Baimenov Koreia əlemde aqparattyq tehnologiialardy qoldaný men elektrondy úkimetti damytý boiynsha kɵshbasshylardyń biri ekenin aitty. Qoǵamdyq qundylyqtar innovatsiialar, aqparattyq, dijital tehnologiialardy damytý saiasatynyń ɵzegi, basty muraty retinde belgilengen.
Iaǵni, jańa tehnologiialar jariialylyq pen ədildikke, memlekettik qarjylandyrý men satyp alý ashyqtyǵyna, azamattar pikirin sheshimderde eskerýge baǵyttaidy. Túptep kelgende, innovatsiialar arqyly ər azamattyń egemen quqyqtaryn biiktetip, júzege asyrý tetikterin jetildirý jáne demokratiialyq qoǵamdy damytý maqsaty qoiylǵanyn atap ótti Baimenov. Oǵan qosa ol Koreia Hab quryltaishy memleketterdiń biri retinde osy kópjaqty tuǵyrnamanyń jumysyna belsendi aralasatynyn aitty.
Óz kezeginde ministr Chin Iong Ishki ahýal jáne qaýipsizdik ministrligi men Habtyń áriptestigin joǵary baǵalap, birlesken bastamalar men Habtyń memlekettik qyzmet boiynsha aimaqtyq baǵdarlamalaryn qoldaý arqyly yntymaqtastyqty nyǵaitýǵa múddeli ekendikterin jetkizdi.
Kezdesýge qatysqan Qazaqstannyń Koreia Respýblikasyndaǵy Tótenshe jáne ókiletti elshisi Baqyt Dúisenbaev eki el qarym-qatynasynyń óte joǵary strategiialyq áriptestik deńgeiin atap ótip, onyń bir baǵyty – memlekettik qyzmet pen aqparattyq tehnologiialar boiynsha yntymaqtastyq ekendigin málimdedi.
Sol kúni Álihan Baimenov Koreianyń Memlekettik Personaldy basqarý ministri Hvan-seo Chongpen (Hwan-seo Chong) kezdesip, onda Koreianyń adam resýrstaryn basqarýdaǵy tájiribesi de Habqa qatysýshy elder úshin qyzyqty ekenin aitty.
Hvan-seo Chong óz tarapynan áriptestiktiń mańyzdylyǵyna jáne ony meritokratiia qaǵidattary negizinde memlekettik qyzmetshilerdi irikteý jáne joǵarylatý, memqyzmettegi etika men korporativti mádenietti damytý boiynsha ortaq sharalar ótkizý arqyly damytý máselelerine toqtaldy.
