«Astana film» kinostýdiiasy qurylysy ýaqytsha toqtatyldy. Bul týraly QR mádeniet jáne sport ministri Aqtoty Raiymqulova Úkimet otyrysynan keiin kýlýarda málimdedi.
«23-ine brifing ótedi. Brifingte naqtyraq aitatyn bolamyz. Jumys shynymen toqtatyldy, sebebi bul - óte mańyzdy joba. Qazir elimiz úshin, qoǵam úshin tamasha joba bolýy úshin barlyq nusqalar qarastyrylyp jatyr», - dedi mádeniet jáne sport ministri Úkimet otyrysynan keiin kýlýarda.
Raiymqulovanyń aitýynsha, búginde joba qurylysy eseptelip jatyr jáne tek obektivti sebepterge bailanysty toqtatyldy.
Aita ketsek, 2018 jyly qarashada «Qazaqfilm» kinostýdiiasynyń birinshi vitse-prezidenti Serik Jubandyqov elordada jaqyn jyldary «Astana film» kino stýdiiasy salynatynyn aitty. Onyń sózinshe, osy maqsatta EKSPO aýmaǵynda shamamen 50 gektar jer bólingen.
