«Astana» Eýropa ligasy toptyq kezeńiniń 4-týry aiasynda óz alańynda Chehiianyń «Iablonets» komandasyn 2:1 esebimen jeńdi. Bul jeńis elordalyqtardyń ÝEFA reitinginde joǵarylaýyna jaǵdai jasady, dep habarlaidy QazAqparat Sports.kz portalyna silteme jasap.
Osy jeńisten keiin Grigorii Babaian jattyqtyratyn «Astana» ÝEFA klýbtar reitinginde 50-orynǵa kóterildi. «Astananyń» enshisinde qazir 27,5 upai bar. Bul kórsetkishpen elordalyq ujym Chehiianyń «Viktoriia Plzen» (27) komandasynan alda, Túrkiianyń «Fenerbahche» (28,5) klýbynan keiin tur.
Aita keteiik, tórt týrdan keiin K tobynda kósh bastap turǵan Kievtiń «Dinamosy» «Astanamen» birdei - 8 upai jinaǵan, tek goldar aiyrmasy ǵana kievtikterdi birinshi orynǵa shyǵardy. 3 upaimen «Renn» úshinshi orynda tur, al «Iablonets» 2 upaimen kósh sońynda keledi.
