«استانا» ەۋروپا ليگاسى توپتىق كەزەڭٸنٸڭ 4-تۋرى اياسىندا ٶز الاڭىندا چەحييانىڭ «يابلونەتس» كومانداسىن 2:1 ەسەبٸمەن جەڭدٸ. بۇل جەڭٸس ەلوردالىقتاردىڭ ۋەفا رەيتينگٸندە جوعارىلاۋىنا جاعداي جاسادى, دەپ حابارلايدى قازاقپارات Sports.kz پورتالىنا سٸلتەمە جاساپ.
وسى جەڭٸستەن كەيٸن گريگوريي بابايان جاتتىقتىراتىن «استانا» ۋەفا كلۋبتار رەيتينگٸندە 50-ورىنعا كٶتەرٸلدٸ. «استانانىڭ» ەنشٸسٸندە قازٸر 27,5 ۇپاي بار. بۇل كٶرسەتكٸشپەن ەلوردالىق ۇجىم چەحييانىڭ «ۆيكتورييا پلزەن» (27) كومانداسىنان الدا, تٷركييانىڭ «فەنەرباحچە» (28,5) كلۋبىنان كەيٸن تۇر.
ايتا كەتەيٸك, تٶرت تۋردان كەيٸن ك توبىندا كٶش باستاپ تۇرعان كيەۆتٸڭ «ديناموسى» «استانامەن» بٸردەي - 8 ۇپاي جيناعان, تەك گولدار ايىرماسى عانا كيەۆتٸكتەردٸ بٸرٸنشٸ ورىنعا شىعاردى. 3 ۇپايمەن «رەنن» ٷشٸنشٸ ورىندا تۇر, ال «يابلونەتس» 2 ۇپايمەن كٶش سوڭىندا كەلەدٸ.
