2 shilde kúni «Astana: beibitshilik pen kelisim ortalyǵy» atty halyqaralyq konferentsiia ashyldy.
Konferentsiia eki kúnge sozylady. Is-sharaǵa 200-ge jýyq halyqaralyq jáne ulttyq ekspertter, memlekettik organdardyń, Aziia-Tynyq muhity aimaǵyndaǵy IýNESKO Klýbtyq qozǵalysynyń, IýNESKO jáne basqa da halyqaralyq uiymdardyń ókilderi qatysady.
Uiymdastyrýshylardyń aitýynsha, konferentsiianyń basty maqsaty – mamandar men azamattyq qoǵam ókilderiniń arasynda eki tarapqa da paidaly aqparat almasý jáne atalmysh taqyryptarǵa qatysty eń úzdik tájiribelermen tanysýǵa arnalǵan dialog alańyn jasaý.
Negizgi mindeti – mádenietaralyq dialogty qoldaýdaǵy eń úzdik tájiribelerdi anyqtaý, turaqty damý jáne bilik ókilderi, jastar jáne halyqaralyq uiymdardyń sarapshylary arasyndaǵy túsinýshilikti damytýǵa arnalǵan platforma jasaý jáne Astana qalasynyń damýy úlgisinde halyqaralyq qatysýshylarǵa «Rýhani jańǵyrý» baǵdarlamasyn tanystyrý.
Konferentsiianyń negizgi baiandamalaryn Qazaqstan Respýblikasy Tuńǵysh Prezidenti – Elbasy Qorynyń atqarýshy direktorynyń orynbasary I.Rogov, Qazaqstan halqy Assambleiasy tóraǵasynyń orynbasary L.Prokopenko, IýNESKO Klýbtary, Ortalyqtary jáne Assotsiatsiialarynyń búkilálemdik Federatsiiasynyń prezidenti D.Bhatnagar oqydy.
«Biz bul Konferentsiia qarapaiym halyq, halyqaralyq uiymdar, memlekettik qurylymdar men IýNESKO Klýbtary arasyndaǵy halyqaralyq kelisim men mádeniet aralyq dialogty ornatatyn kópirge jáne ony órbitetin orynǵa ainalady dep úmittenemiz. Atalmysh is-sharanyń ótýi IýNESKO-ǵa múshe memleketter mádenietterin jaqyndastyrý men óz elderindegi beibitshilikti ornatýǵa jumsalatyn kúshterdi biriktirýge shaqyrýdyń bir belgisi bolady», – deidi konferentsiia uiymdastyrýshylarynyń biri Álkei Marǵulanuly.
Belgili sarapshylar birlik pen tatýlyqtyń, dostyqtyń ordasyna ainalǵan qazaq memleketi úshin atalmysh konferentsiianyń mańyzy zor ekendigin aitady.
