Astanada qoǵamdyq kólikterde jolaqyny qolma-qol tóleý quny 180 teńgege kóterilgen kezden avtobýstarda kondýktorlar alynyp tastalynady. Bul týraly «Astana LRT» JShS basqarma tóraǵasy Igenberdinov Bekmyrza qoǵamdyq kóliktegi tarifter týraly ótken tyńdaýda málimdedi, dep habarlaidy Baq.kz tilshisi.
«Jańa júie boiynsha múldem kondýktorlar alynyp tastalynady. Budan bylai avtobýsta urys-keris te, soqtyǵysý da, adami faktorlar da bolmaidy. Kondýktorlar bolmaýy tiis. Parkterde kólik baqylaý qyzmeti jumys isteitin bolady. Olar jolaýshylardyń bileti bar-joǵyn tekserip turady. Saralanǵan tarifti engizgennen keiin kondýktorlardy alyp tastaimyz», - dedi «Astana LRT» JShS basqarma tóraǵasy
Sondai-aq, Igenberdinov engiziletin tariftiń jeńildik sanatyndaǵy astanalyqtarǵa esh qatysy joq ekenin aitty. Iaǵni olar úshin qoǵamdyq kóliktegi jolaqy burynǵydai tegin bolyp qala beredi.
«Búgin biz talqylap otyrǵan tariftik ózgerister qalalyq máslihatpen bekitilgen alty jeńildik sanatyndaǵy azamattarǵa qatysy joq», - dedi ol.
Al kólik kartasyn satyp alǵysy kelmeitinder júrgizýshiden eki ese qymbat turatyn birjolǵy bilet satyp alady. Mundai jolaqy qala ishindegi baǵdarlarda 180 teńge, al ekspress baǵdarlarda 25 teńge.
«Astana LRT» JShS basqarma tóraǵasynyń aitýynsha, tarif qoǵamdyq kólik salasyndaǵy qarajattyń «kóleńkeli» ainalymyna tosqaýyl qoiýǵa, qala biýdjetine aqsha túsimderin arttyrý maqsatynda jáne Astananyń kólik júiesin damytýǵa jumasalady.
