"Astana Arlans" Búkilálemdik boks seriiasynyń jetinshi maýsymynyń finalynda "Kýba Domadores" boksshylaryn jeńdi, - dep habarlaidy "Ult aqparat".
Finalda 52 kelige deiingi salmaq dárejesinde ótken 11-shi jekpe-jek sheshýshi boldy. Bul matchta Oljas Bainiiazov pen Frenk Zaldivar kezdesken edi. Osy jupta qazaqstandyq boksshy basym bolyp, "arlandarǵa" jeńis syilaǵan altynshy upaidy alyp berdi.
"Astana Arlans" jekpe-jek barysynda 2-5 esebimen jeńilip turǵanyn da aita keteiik.
Osylaisha Astana Arlans Búkilálemdik boks seriiasynyń eń myqty komandasy atandy. Arlandar bul týrnirde úshinshi ret jeńiske jetip otyr. Bul finalǵa deiin kýbalyqtar da, "arlandar" da eki ret chempion bolǵan edi.
Chempiondar quramynda jeńiske myna boksshylar qarsylastarynan basym boldy: Aslanbek Shymbergenov, Zákir Safiýllin, Oljas Boqaev, Temirtas Júsipov jáne Iliias Súleimenov.
