Astana qalasynyń ákimi Áset Isekeshev qala turǵyndary men qonaqtaryn Astananyń 20 jyldyq mereitoiymen quttyqtady, dep habarlaidy "Ult aqparat" Astana qalasy ákimdigiń baspasóz qyzmetine silteme jasap.
«Qurmetti astanalyqtar jáne qala qonaqtary! Sizderdi Astanamyzdyń jiyrma jyldyq mereitoiymen shyn júrekten quttyqtaimyn!» - dedi qala ákimi.
Astana – qysqa ýaqytta salynǵan aibyndy megapolis, táýelsizdiktiń simvoly. Elbasymyz osydan jiyrma jyl buryn Arqa tósinde osyndai ǵajaiyp qala salamyz degende kópshilik sene qoimaǵanyn jaqsy bilemiz. Degenmen, munyń ómirsheń murattar arqalaǵan tarihi sheshim bolǵanyna búginde ýaqyttyń ózi aiqyn dálel. Qalaǵa salynǵan investitsiia ózin tolyq aqtap, Astana el halqynyń maqtanyshyna, memleket damýynyń lokomotivine ainaldy.
«Búginde elordamyz óziniń jiyrma jyldyq mereitoiyna mol tabystarmen, salmaqty josparlarmen jetip otyr. Qalany álemniń eń úzdik megapolisterimen terezesi teń, turǵyndary baqýatty shaharǵa ainaldyrý baǵytynda barlyq qajetti sharalar qolǵa alynýda. Buǵan bizde resýrstyq áleýet te, tolymdy tájiribe de, talap-niet te jetkilikti. Sondyqtan Astanamyzdyń keleshegi kemel, jarqyn sátterge toly bolady dep senemin. Sizderge zor densaýlyq, otbasylaryńyzǵa yrys pen bereke, eńbekterińizge mol tabys tileimin!» - dedi Áset Isekeshev.
