Foto: Aqorda baspasóz qyzmeti
Astana ákimdigi Tájikstannyń aýyl sharýashylyǵy, ónerkásip ónimderi, halyq qolóneri jáne ulttyq taǵamdary kórme-jármeńkesinde túsirilgen videoǵa qatysty pikir bildirdi, - dep habarlaidy Tengrinews.kz.
Astana Investitsiia jáne kásipkerlikti damytý basqarmasy basshysynyń orynbasary Maqsat Jańabaev Tájikstannyń Mádeniet kúnderi aiasynda elordada ótken kórme-jármeńkedegi dúrbeleń týraly aitty.
Sheneýniktiń sózinshe, kórshi eldiń satýshylary taýarlar kún astynda tez buzylýy múmkin bolǵandyqtan, bir bóligin tegin taratýdy ózderi usynǵan. Tipti, kórme-jármeńke qonaqtaryna taratý úshin tájik fermerleri piramidaǵa kóterilgen kórinedi.
"Piramidaǵa órmelep shyǵyp, qonaqtarǵa tegin berip jatqan adamdar - Tájikstannan kelgen qonaqtarymyzdyń ózderi. Piramidany qurǵan fermerler bolatyn. Olar basqa turǵyndar piramidaǵa shyqpaýy úshin ózderi taratty. Bul qaýipsizdik úshin jasaldy", - dedi Maqsat Jańabaev.
