QR Prezidenti Qasym-Jomart Toqaev QHA-nyń patriottyq ideologiiadaǵy róline toqtaldy, dep habarlaidy QazAqparat.
«Búginde assambleianyń konstitýtsiialyq mártebesi bar. Ol óz qyzmetinde qazaqstandyqtardy eldiń qoǵamdyq-saiasi ómirine keńinen tartýǵa baǵyttalǵan jańa tásilder men standarttardy engizedi. Assambleia árqashan memlekettik tildi nasihattaýǵa jáne onyń Qazaqstandaǵy mártebesin nyǵaitýǵa kóp kóńil bóldi. Bul úshin biz QHA-ǵa patriottyq uiym retinde qurmet kórsetýimiz kerek. Azamattyq belsendiliktiń qaiyrymdylyq, áleýmettik kásipkerlik, metsenattyq, mediatsiia siiaqty jańa nysandary ádettegi tájiribege ainaldy», - dedi Prezident QHA keńesiniń keńeitilgen otyrysynda.
Prezidenttiń aitýynsha, álemdik tájiribe etnikalyq faktor, ultaralyq qatynastar áli kúnge deiin túrli qaqtyǵystardyń tutandyrǵysh ottyǵy bolyp otyrǵanyn kórsetken.
«Onyń destrýktivti áleýeti aqparattyq jáne gibridtik soǵystardyń qazirgi zamanynda, popýlistik málimdemeler men alypsatarlyqtyń jiilep ketken kezeńinde kúsheie tústi», - dedi Qasym-Jomart Toqaev.
