Búgin Qazaqstan halqy assambleiasynyń «Uly dala eliniń kieli muralary» atty respýblikalyq tarihi-ekologiialyq aktsiiasy bastaý aldy. Shara Astananyń Uly Otan soǵysy jaýyngerleriniń baýyrlastar ziratynda ótti.
Atalmysh sharaǵa QHA Tóraǵasynyń orynbasary – Hatshylyq meńgerýshisi L. Prokopenkodan bastap, QHA Tóraǵasynyń orynbasary I. Saljanov, QR Parlamenti Májilisiniń depýtaty, qoǵam qairatkeri S. Abdrahmanov, Astana qalasy ákiminiń orynbasary E. Amanshaev, QHA músheleri, memlekettik organdardyń, etnomádeni birlestikterdiń ókilderi, QHA «Jańǵyrý joly» RJQ, «Jas Otan» JQ jastary jáne BAQ ókilderi men qarapaiym halyq qatysty.
Uiymdastyrýshylar tarihi muralar eskertkish-jádigerlerin saqtap, dáripteýge jáne qoǵamda mańyzy bar áleýmettik jobalardy júzege asyrýǵa baǵyttalǵan, sonyń ishinde jastardyń qatysýyn qamtamasyz etetin mádeni-rýhani qundylyqtar arqyly qazaqstandyq biregeilik pen patriotizmdi nyǵaitý atalǵan sharanyń negizgi maqsaty ekenin aitady.
Aktsiia barysynda Uly Otan soǵysy jaýyngerleri jerlengen jerge ornatylǵan eskertkish-taqtalarǵa gúl qoiý rásimi de ótti. Rásim sońynda QHA múshesi Sh. Pýlatov atalar arýaǵyna quran súrelerin baǵyshtady.
QHA kezekti 26-sessiiasynda assambleia tóraǵasynyń orynbasary bolyp sailanǵan Islambek Saljanov:
«Búgin Baýyrlastar ziratynda Qazaqstan halqy assambleiasy janyndaǵy «Jańǵyrý joly» jastar qozǵalysynyń belsendi múshelerimen uiymdastyrylǵan aýqymdy shara ótip jatyr. Bul oqiǵa – birinshiden, kózi tiri soǵys jáne tyl ardagerlerine degen bizdiń qurmetimiz, ekinshiden, dúnieden ótken qurmetti jandarǵa kórsetken taǵzymymyz bolmaq. Sózsiz dál osy ardagerler ben batyrlarymyz bizge birliktiń, erjúrektiktiń, qaharmandyqtyń úlken úlgisin kórsetti. Qazirgi tańda beibit ómir súrýimiz de sol adamdardyń qairat-jigeriniń, qaitpas rýhynyń arqasynda dep bilemiz. Yntymaǵymyz ben bereke-birligimiz jarasqan shaqta árdaiym tatýlyq-kelisim keregin jáne osyndai aýqymdy nasihat jumystaryn jalǵastyrýdy umytpaǵanymyz jón. Men barsha qazaqstandyqtardy kele jatqan Otan qorǵaýshylar kúni jáne Jeńis kúni merekelerimen shyn júrekten quttyqtaimyn», — dep, óz oiyn ortaǵa saldy.
Atap óter jait, «Uly dala eliniń kieli muralary» aktsiiasy búkil el boiynsha jalǵasyn tapty. Oblys ortalyqtarynda, aýdandar men aýyldarda bir mezgilde bastalyp, úsh kezeńmen ótkizilmek. 5-9 mamyr aralyǵyn qamtityn alǵashqy kezeńi «Qamqor aktsiiasy» dep atalady. Onyń aiasynda etnomádeni birlestikterdiń jastar qanatynyń múshelerinen soǵys ardagerlerine áleýmettik jáne ózge de qajetti kómek kórsetetin, UOS taqyrybyna arnalǵan eskertkishter men monýmentterge kútim jasaityn eriktiler toptary qurylmaq.
Aktsiianyń ekinshi kezeńi - «Taǵzym» kezeńi dep atalady. Onyń barysynda aǵymdaǵy jyldyń 28-31 mamyr aralyǵynda saiasi qýǵyn-súrgin qurbandaryn eske alý kúnine arnalǵan is-sharalardy uiymdastyrý kózdelip otyr.
Al úshinshi kezeń 14 maýsym bastalady dep kútilýde. Ol kezeńde «Uly dala eliniń kieli muralaryna» jatatyn jerler boiynsha óńirlik ekspeditsiialar men ekologiialyq senbilikter uiymdastyrylmaq.
