Kadrda Esik turǵyny gazdy modýldik qazandyqtardyń joqtyǵyna shaǵymdandy. Áiel uzaq ýaqyt boiy sózin durys saptai almady.
"Búgin meni... Meni adam qurly kórmei, dóreki sóilep tursyz. Sózimdi sońyna deiin jetkizbei..." - deidi áiel.
"Siz uzaq sóilep jatyrsyz... Men ýaqyt barlyǵyna jetse eken deimin", - dep jaýap berdi aimaq basshysy.
Esik turǵyny qalada tek eki modýldik qazandyq salynǵanyn aityp, qalǵan 15-i joq ekenine shaǵymdanyp, biýdjetten bólingen qarajat qaida ketip jatqanyn surady. Bozymbaev "rezeńke emes" aqsha oblystyq biýdjetten bólinip jatqanyn jetkizdi. Ákimniń sózinshe, ótinishter qalanyń túrli aýdandarynan kelip túskendikten, qarajat kezekpen jetedi.
"Sonymen, bizde gazdandyrý jumysy qai jyly aiaqtalady"- dep surady Esik turǵyny.
"Jai sóileńiz. Bul eldegi barlyq oblysta bar másele ekenin bilesiz. Siz aspannan túsken joqsyz ǵoi. Ókinishke qarai, elde azamattardyń 60 paiyzy ǵana gazben qamtamasyz etilgen. Sebebi biz áli tolyq gazdandyrylmaǵan elmiz. Sizge de gaz keldi..." - dedi Bozymbaev.
"Mine, osylai qarapaiym tilmen jetkizýge bolady ǵoi" - dedi Esik turǵyny ákimniń sózin bólip.
Bozymbaev óziniń baiandamasynda munyń barlyǵy aitylǵanyn jetkizip, turǵyndardy qyraǵy bolýǵa shaqyrdy.
