كادردا ەسٸك تۇرعىنى گازدى مودۋلدٸك قازاندىقتاردىڭ جوقتىعىنا شاعىمداندى. ەيەل ۇزاق ۋاقىت بويى سٶزٸن دۇرىس ساپتاي المادى.
"بٷگٸن مەنٸ... مەنٸ ادام قۇرلى كٶرمەي, دٶرەكٸ سٶيلەپ تۇرسىز. سٶزٸمدٸ سوڭىنا دەيٸن جەتكٸزبەي..." - دەيدٸ ەيەل.
"سٸز ۇزاق سٶيلەپ جاتىرسىز... مەن ۋاقىت بارلىعىنا جەتسە ەكەن دەيمٸن", - دەپ جاۋاپ بەردٸ ايماق باسشىسى.
ەسٸك تۇرعىنى قالادا تەك ەكٸ مودۋلدٸك قازاندىق سالىنعانىن ايتىپ, قالعان 15-ٸ جوق ەكەنٸنە شاعىمدانىپ, بيۋدجەتتەن بٶلٸنگەن قاراجات قايدا كەتٸپ جاتقانىن سۇرادى. بوزىمباەۆ "رەزەڭكە ەمەس" اقشا وبلىستىق بيۋدجەتتەن بٶلٸنٸپ جاتقانىن جەتكٸزدٸ. ەكٸمنٸڭ سٶزٸنشە, ٶتٸنٸشتەر قالانىڭ تٷرلٸ اۋداندارىنان كەلٸپ تٷسكەندٸكتەن, قاراجات كەزەكپەن جەتەدٸ.
"سونىمەن, بٸزدە گازداندىرۋ جۇمىسى قاي جىلى اياقتالادى"- دەپ سۇرادى ەسٸك تۇرعىنى.
"جاي سٶيلەڭٸز. بۇل ەلدەگٸ بارلىق وبلىستا بار مەسەلە ەكەنٸن بٸلەسٸز. سٸز اسپاننان تٷسكەن جوقسىز عوي. ٶكٸنٸشكە قاراي, ەلدە ازاماتتاردىڭ 60 پايىزى عانا گازبەن قامتاماسىز ەتٸلگەن. سەبەبٸ بٸز ەلٸ تولىق گازداندىرىلماعان ەلمٸز. سٸزگە دە گاز كەلدٸ..." - دەدٸ بوزىمباەۆ.
"مٸنە, وسىلاي قاراپايىم تٸلمەن جەتكٸزۋگە بولادى عوي" - دەدٸ ەسٸك تۇرعىنى ەكٸمنٸڭ سٶزٸن بٶلٸپ.
بوزىمباەۆ ٶزٸنٸڭ بايانداماسىندا مۇنىڭ بارلىعى ايتىلعانىن جەتكٸزٸپ, تۇرعىنداردى قىراعى بولۋعا شاقىردى.
