Búgin Parlament Májilisiniń jalpy otyrysynda palata depýtattary Ashat Daýylbaevty QR Konstitýtsiialyq Keńesiniń múshesi qyzmetine taǵaiyndaý týraly qaýly qabyldady, dep habarlaidy "Ult aqparat".
Konstitýtsiiaǵa sáikes, Parlamenttiń ár palatasy QR Konstitýtsiialyq Keńes múshesin qyzmetke taǵaiyndaidy.
«Konstitýtsiiaǵa sáikes, biz Ashat Daýylbaevty Konstitýtsiialyq Keńes múshesi qyzmetine taǵaiyndaǵan boltynbyz. Búgin onyń ókilettik merzimi aiaqtaldy. Osyǵan bailanysty Ata Zańǵa sáikes, A. Daýylbaevtyń kandidatýrasyn qaita taǵaiyndaý úshin usynyp otyrmyn», - dedi QR Parlamenti Májilisiniń tóraǵasy Nurlan Nyǵmatýlin.
A. Daýylbaev quqyq qorǵaý salasynda, onyń ishinde prokýratýra organynda kóp jyldar boiy eńbek etken bilikti ári tájiribeli tulǵa. Ol 1987 jyly Sverdlovsk zań institýtyn úzdik bitirgennen soń eńbek jolyn Almaty qalasynyń prokýratýrasynda bastap, Almaty qalasynyń birqatar aýdandarynda prokýrordyń orynbasary, Almaty qalasy tórelik sot tóraǵasynyń orynbasary sekildi laýazymdardy atqardy. 1997 jyly QR Ádilet vitse-ministri boldy. 2001 jyly QR Bas prokýrorynyń orynbasary bolyp taǵaiyndalyp, ol qyzmette 2011 jyldyń sáýirine deiin qyzmet etti.
2011-2016 jyldary QR Bas prokýrory qyzmetin atqardy.
