Bilim jáne ǵylym ministri Ashat Aimaǵambetov JOO-da grantta oqyǵan keibir stýdentter qandai ailaǵa baratynyn aitty, dep habarlaidy "Ult aqparat".
«Keibir grant iegerleri memleket shyǵynyn jumyspen óteý rásimin ainalyp ótýdiń amalyn tapqan. Olar grant arqyly 3-kýrsqa deiin tegin oqyp, úsh jyl boiy stipendiia alady. Sodan keiin memlekettik grantty jumyspen ótemeý úshin 4-kýrsta aqyly bólimge aýysatyn bolǵan», - dedi A. Aimaǵambetov áleýmettik jelidegi paraqshasynda.
Onyń aitýynsha, osyǵan bailanysty grant iegerin oqytýǵa memleket jumsaǵan shyǵyndardy óteý boiynsha jańa norma engizildi.
«Máselen, stýdent grantta eki jyl oqyp, keiin aqyly bólimge aýysty delik. Bul jaǵdaida stýdent qansha jyl grantta oqysa, sonsha jyl grantty jumyspen óteýge mindetti bolady. Dál osy norma, aqyly bólimnen grantqa aýysqan stýdentterge de qatysty bolady», - dep túsindirdi vedomstvo basshysy.
Budan buryn habarlanǵandai, grantpen oqyǵan túlek óz daiyndyq baǵyty boiynsha jekemenshik uiymdarda esh kedergisiz jumys istei alady.
Aita keteiik , 2021 jyldan bastap árbir joǵary oqý orny bilim alǵan azamattarǵa jeke úlgisi boiynsha diplom beretin bolady. Iaǵni, endi ár joǵary oqý ornynda beriletin diplomdardyń barlyǵy birkelki bolmaidy.
Budan bylai memlekettik úlgidegi diplomdar berilmeidi.
