QR Oqý-aǵartý ministri Ashat Aimaǵambetov «Oqýǵa qushtar mektep» jobasy aiasynda atqarylyp jatqan jumystarǵa kóńili tolmady, dep habarlaidy QazAqparat.
«Qaisyńyzǵa sóz bersem de, «kóptegen jumys isteldi» deisizder de, sol jumystardy naqty tizbektep aita almai otyrsyzdar. Qandai kitap, qansha kitap satyp aldyńyzdar? Kitaphanalaryńyz qalai ózgerip jatyr? Ár apta saiyn osy jinalysqa qatysasyzdar. Biz daiyndalǵan stsenariimen emes, osylai tosynnan suraq qoiamyz. Kún tártibimiz belgili bolǵannan keiin aldyn ala daiyndalyńyzdar. Kóteriletin másele respýblika, ministrlik deńgeiinde qaralsa, onda ol sizder úshin isteletin jumys qoi. Sizderdiń esepterińiz tyńdalady. Sondyqtan bei-jai qarap otyrmai osyndai jinalystarǵa daiyndalyńyzdar», - dedi Aimaǵambetov ministrliktiń apparat jinalysynda.
Sonymen qatar ministr jinalysta sóz sóilegenimen tushymdy dúnie aita almaǵan áriptesterine eskertý jasady.
«Daiyn emessizder. Sizder qonaqqa kelgen joqsyzdar ǵoi. Naqty kúntártibin bilesizder. Sol kúntárbi boiynsha aýdanda, qalada, oblysta ne istelip jatyr eken dep aqparat alyp, daiyndalý kerek. Jalpylama sóz aityp, bári jaqsy degen esep qabyldanbaidy», - dedi ol.
