Qazaqstanda azamattyq qyzmetkerlerdiń kei sanattarynyń jalaqysy artty, dep habarlaidy Sputnik agenttigi.
Ushqyshtar quramynyń da eńbekaqysy kóterildi, dep habarlady qorǵanys ministriniń orynbasary general-leitenant Talǵat Muhtarov.
"Budan bólek, 2017 jyldan bastap Joǵarǵy bas qolbasshynyń tapsyrmasymen barlyq áskeri qyzmetkerdiń jalaqysy 25%-ǵa kóterildi. Yntalandyrýshy jáne basqa ústemaqylar 30%-ǵa deiin artty. Jalaqy kezeń-kezeńimen ulǵaiyp keledi. Orta eseppen, meniń oiymsha, tómen shendi ofitserler 140-150 myń teńge alady", - dep málimet berdi Talǵat Muhtarov.
Áskerilerdiń baspana jaǵdaiyn jaqsartý úshin jańa model engizildi, deidi ol. Byltyr qańtardan bastap ai saiyn áskerilerdiń ekinshi deńgeili bankterdegi arnaiy jeke shottaryna turǵyn úi tólemderi aýdarylady, tólem kólemine áskeri qyzmet ótili áser etpeidi.
Eki myńdai áskeri qyzmetker baspanaǵa ie bolypty, al qyryq myńnan astamy turǵyn úi tólemderin alǵan.
Ótken jyl Qazaqstannyń Qarýly kúshteri úshin nátijeli boldy, deidi Muhtarov. Onyń sózine súiensek, quqyq buzýshylyq sany 9%-ǵa kemidi.
