Qazaqstan Qarýly Kúshterinde koronavirýsqa qarsy vaktsina naýryzda júrgiziledi. Bul týraly QR Qorǵanys ministrliginen málim etti, dep habarlaidy "Ult aqparat".
Vedomstvo málimetinshe, Qorǵanys ministri Nurlan Ermekbaev áskerde koronavirýs infektsiiasynyń taralýyna jol bermeý boiynsha qabyldanyp jatqan is-sharalar jóninde orynbasary general-maior Muhamedjan Talasov pen Bas áskeri-meditsinalyq basqarmasynyń bastyǵy - meditsina qyzmetiniń polkovnigi Timýr Oshaqbaevty tyńdady.
Jalpy, Qarýly Kúshterde koronavirýs infektsiiasyn juqtyrǵandardyń sany eldegi ortasha kórsetkishten áldeqaida tómen. Bul barlyq jaýyngerlik daiarlyq pen oqý-jattyǵý is-sharalaryn tolyq ótkizýge, jaýyngerlik ázirliktiń jai-kúiin qajetti deńgeide ustap turýǵa múmkindik beredi. Budan bólek, 2020 jyldyń kóktemi men jazyndaǵy tájiribe boiynsha Qarýly Kúshter elimizdiń densaýlyq saqtaý qajettilikteri úshin áskeri-meditsinalyq mekemelerdi statsionar, mobildi áskeri-dalalyq gospital retinde, sondai-aq shalǵai óńirlerde meditsinalyq kómek kórsetý úshin 24 dárigerlik-meiirbikelik brigadany jumyldyrýǵa daiyn.
«Qazirgi ýaqytta ekpe jumystaryna daiyndyq júrip jatyr. Ol Qarýly Kúshterde biyl naýryz aiynda bastalady. Ekpe júrgizýde jeke quramnyń basym sanattary aiqyndalyp, ony alý kezektiligi josparlandy.
Áskeri qyzmetshiler men azamattyq qyzmetkerlerdiń pikirlerin aldyn-ala zerdeleý kórsetkendei, barlyǵy derlik koronavirýsqa qarsy ekpeniń qajettiligin qoldaidy», - dep atap ótedi ministrlikten.
Osy oraida Qorǵanys ministri general-leitenant Nurlan Ermekbaev jaýyngerlik daiarlyq is-sharalaryn qysqartýǵa, áskeri daiarlyqty tómendetýge jol berilmeitinin atap ótti. Osyǵan bailanysty koronavirýs infektsiiasynyń taralýyna qarsy aldyn alý is-sharalaryn jetildirýdi tapsyrdy. Is-sharalar túsindirý jumystaryn jáne densaýlyq jaǵdaiynyń kúndelikti monitoringin, sondai-aq jeke quramǵa josparly ekpeni, PTR-testileýdi, al qajet bolǵan jaǵdaida bilikti meditsinalyq kómek kórsetýdi qamtýy tiis.
Aldyn alý sharalaryn uiymdastyrý máseleleri boiynsha Densaýlyq saqtaý ministrliginiń Sanitarlyq-epidemiologiialyq baqylaý komitetimen, sondai-aq jergilikti atqarýshy organdarynyń tiisti bólimshelerimen ózara tyǵyz qarym-qatynasta júrgizý tapsyryldy.
