Almaty qalasy Qorǵanys isteri jónindegi departamenttiń basshysy Amantai Óserbaev ásker qataryna qabyldanǵandar 14 kún karantinde bolyp, PTR test tapsyratynyn málim etti, dep habarlaidy QazAqparat.
Onyń aitýynsha, biyl ant qabyldaý rásimine ata-analary men týystary shaqyrylmaidy. Degenmen, sanitarlyq normalardy saqtai otyryp ant qabyldaý rásimi ótkiziledi.
«Tótenshe jaǵdai rejimi aiaqtalǵanymen, qaýip áli bar. Sondyqtan áskerge shaqyrýshylardyń ata-analary, týǵan –týystary men dostary ant qabyldaý rásmine qatyspaidy.Pandemiia kezinde bul múmkin emes. Balalaryńyz saltanatty jiyndy videoǵa túsirip sizderge jibere alady», – dedi Amantai Óserbaev brifing barysynda.
Sonymen qatar ol ásker qataryna shaqyrylyp jatqandar 14 kún karantinde bolyp, PTR test tapsyratynyn aitty.
«Qazir koronaviýrs juqtyrǵandardy jibermeý mańyzdy bolyp otyr. Sondyqtan, áskerge shaqyrylǵandar arasynda júieli jumystar júrgizilip jatyr. Birinshiden, ákimniń sheshimine bailanysty meditsinalyq komissiianyń quramyna juqpaly aýrýlar mamany qosyldy jáne barlyq shaqyrý oryndarynda meditsinalyq post qoiyldy. Iaǵni árbir shaqyrylǵan azamattyń dene qyzýy tekserilip, birden juqpaly aýrýlar dárigerine barady», - dedi Amantai Óserbaev.
