Áskerde júrgenine bir jyl bolyp qoiǵan merzimdi áskeri qyzmetshiler Tótenshe jaǵdai rejimi alynǵannan keiin ǵana zapasqa shyǵarylady. Bul týraly QR Qarýly kúshteri Bas shtabynyń uiymdastyrý, jumyldyrý jumystary departamentiniń bastysy Sáken Júsipov málim etti, dep habarlaidy QazAqparat.
«Azamattardy áskerge shaqyrý tótenshe jaǵdai rejimi alynǵannan keiin qaita júrgiziledi. 31 tamyzǵa deiin uzartylady. 2019 jyly kóktemde áskerge shaqyrylǵan áskeri qyzmetshiler zapasqa shyǵarý – tótenshe jaǵdai rejimi alynǵan jaǵdaiǵa, osy jyldyń 30 maýsymyna deiin júrgiziletin bolady. Bul rette áskeri shaqyrý men zapasqa shyǵarý qoldanystaǵy zańnamaǵa sáikes iske asyrylady. Eleýli ózgeris bolmaidy», - dedi Sáken Júsipov OKQ-da onlain-rejimde ótken baspasóz máslihatynda.
Aita ketsek buǵan deiin Sáken Júsipov TJ kezinde 2019 jyldyń kókteminde áskerge shaqyrylǵan merzimdi áskeri qyzmetshilerdi zapasqa shyǵarý ýaqytsha toqtatylǵanyn málim etken edi. Sonymen qatar, Memleket basshysynyń Jarlyǵymen azamattardy merzimdi áskeri qyzmetke shaqyrý merzimi 2020 jyldyń maýsymynan tamyzyna aýystyrylyp otyr.
Eske salsaq, QR Prezidenti Qasym-Jomart Toqaev áskeri qyzmetshilerdi zapasqa shyǵarý týraly Jarlyqqa qol qoiǵan bolatyn.
