Foto: QR Qorǵanys ministrligi
QR Qorǵanys ministriniń birinshi orynbasary – Qarýly Kúshteri Bas shtabynyń basshysy Sultan Qamaletdinov qyzmetinen ketip jatqan áskeriler nelikten azaimai jatqanyn aitty, dep habarlaidy Kazinform agenttigi.
«Salada problema barshylyq. Olar shuǵyl ári naqty kelisilgen sharalardy talap etedi. Bul rette, depýtattardyń qoldaýyna úmit artamyz. Áskeri qyzmetkerlerdiń áskerden ketýi úrdisi baiqalyp otyr. Jyl saiyn ásker qatarynan ketip jatqandar sany azaimai jatyr. Tek 2020-2023 jyldar aralyǵynda Qarýly Kúshter qatarynan 17 065 áskeri qyzmetshi bosatyldy (onyń 4 301-i ofitser, 12 764-i kelisimshartpen júrgen áskeriler). Bul shamamen 15 mehanikalandyrylǵan brigadanyń sanyna teń», - dedi Sultan Qamaletdinov Parlamenti Májilisiniń Halyqaralyq ister, qorǵanys jáne qaýipsizdik komitetiniń otyrysynda.
Onyń aitýynsha, qazirgi kezde armiiany áskeri qyzmetkerlermen jasaqtaý sharasy qyzmetten ketken kásibi daiarlanǵan kadrlardyń ornyn tiisti deńgeide toltyra almai jatyr.
«Atalǵan kezeńde Qarýly Kúshter qataryna 14 311 áskeri qyzmetshi qosyldy. Munyń bir sebebi - salystyrmaly túrde alǵanda jalaqy deńgeii tómen», - dedi Qorǵanys ministriniń birinshi orynbasary.
