فوتو: قر قورعانىس مينيسترلٸگٸ
قر قورعانىس مينيسترٸنٸڭ بٸرٸنشٸ ورىنباسارى – قارۋلى كٷشتەرٸ باس شتابىنىڭ باسشىسى سۇلتان قامالەتدينوۆ قىزمەتٸنەن كەتٸپ جاتقان ەسكەريلەر نەلٸكتەن ازايماي جاتقانىن ايتتى, دەپ حابارلايدى Kazinform اگەنتتٸگٸ.
«سالادا پروبلەما بارشىلىق. ولار شۇعىل ەرٸ ناقتى كەلٸسٸلگەن شارالاردى تالاپ ەتەدٸ. بۇل رەتتە, دەپۋتاتتاردىڭ قولداۋىنا ٷمٸت ارتامىز. ەسكەري قىزمەتكەرلەردٸڭ ەسكەردەن كەتۋٸ ٷردٸسٸ بايقالىپ وتىر. جىل سايىن ەسكەر قاتارىنان كەتٸپ جاتقاندار سانى ازايماي جاتىر. تەك 2020-2023 جىلدار ارالىعىندا قارۋلى كٷشتەر قاتارىنان 17 065 ەسكەري قىزمەتشٸ بوساتىلدى (ونىڭ 4 301-ٸ وفيتسەر, 12 764-ٸ كەلٸسٸمشارتپەن جٷرگەن ەسكەريلەر). بۇل شامامەن 15 مەحانيكالاندىرىلعان بريگادانىڭ سانىنا تەڭ», - دەدٸ سۇلتان قامالەتدينوۆ پارلامەنتٸ مەجٸلٸسٸنٸڭ حالىقارالىق ٸستەر, قورعانىس جەنە قاۋٸپسٸزدٸك كوميتەتٸنٸڭ وتىرىسىندا.
ونىڭ ايتۋىنشا, قازٸرگٸ كەزدە ارمييانى ەسكەري قىزمەتكەرلەرمەن جاساقتاۋ شاراسى قىزمەتتەن كەتكەن كەسٸبي دايارلانعان كادرلاردىڭ ورنىن تيٸستٸ دەڭگەيدە تولتىرا الماي جاتىر.
«اتالعان كەزەڭدە قارۋلى كٷشتەر قاتارىنا 14 311 ەسكەري قىزمەتشٸ قوسىلدى. مۇنىڭ بٸر سەبەبٸ - سالىستىرمالى تٷردە العاندا جالاقى دەڭگەيٸ تٶمەن», - دەدٸ قورعانىس مينيسترٸنٸڭ بٸرٸنشٸ ورىنباسارى.
