Astana qalasynyń Tótenshe jaǵdailar departamenti Astanadaǵy "Qaharman" turǵyn úi keshenindegi órttiń sebebin jariialady, - dep habarlaidy "Ult aqparat".
"Biyl 16 qarashada Baýyrjan Momyshuly dańǵyly, 14 mekenjaiyndaǵy "Qaharman" turǵyn úi kesheninde órt shyqty. Órttiń shyǵý sebebi - elektr symdarynyń qysqa tuiyqtalýyna ákep soqtyrǵan uzartqysh jelisindegi aqaýdyń bolýy", - delingen habarlamada.
Osy jyldyń ótken kezeńinde elorda aýmaǵynda 682 órt tirkelgen, onyń 105-i kóppáterli turǵyn úilerde bolǵan. Ádette, órttiń sebepteri turǵyndardyń órt qaýipsizdigi erejelerin jáne qarapaiym talaptaryn saqtamaý bolyp tabylady.
Astana qalasynyń Tótenshe jaǵdailar departamenti turǵyndarǵa elektr jelilerin, rozetkalardy aqaýsyz kúide ustaýǵa, jelilik súzgilerdi jáne basqa da elektr quraldaryn jaramsyz kúide paidalanbaýǵa erekshe nazar aýdarýdy usynady.
Eske salaiyq, 16 qarashada elordalyq órt sóndirýshiler Astanada órtenip jatqan páterden bes adamdy aman alyp qalǵan bolatyn. Keiin adamdardy qutqarǵan órtsóndirýshilerdiń aiaq-qoldary men betin kúiik shalǵany anyqtaldy. Denesiniń 80 paiyzyn kúiik shalǵan Asqar Zabikýlin kóp uzamai aýrýhanada jan tapsyrdy.
