Asqar Shákirov Resei Federaldyq Jinalysy Federatsiia keńesi tóraǵasynyń birinshi orynbasary Andrei Iatskinmen kezdesti, dep habarlaidy "Ult aqparat" Senattyń baspasóz qyzmetine silteme jasap.
QR Parlamenti Senaty tóraǵasynyń orynbasary Asqar Shákirov Resei Federatsiiasy Federaldyq Jinalysy Federatsiia Keńesinde Federatsiia keńesi tóraǵasynyń birinshi orynbasary Andrei Iatskinmen kezdesti.
Onda taraptar Resei Parlamenti joǵarǵy palatasynyń spikeri Valentina Matvienkonyń biylǵy maýsymda Qazaqstan Respýblikasyna resmi sapary kezinde qol jetken ýaǵdalastyqtardy iske asyrý barysyn talqylady.
Ótken kelissózderdiń qorytyndysy boiynsha QR Parlamenti Senaty men RF Federatsiia Keńesi arasyndaǵy Yntymaqtastyq jónindegi komissiiasynyń buryn bolǵan otyrystarynyń hattamasyna qol qoiyldy.
Memlekettik Dýma sailaýyna TMD PAA halyqaralyq baiqaýshylarynyń úilestirýshisi retinde Máskeýde júrgen Senat tóraǵasynyń orynbasary sailaý aldy is-sharalar aiasynda Memlekettik Dýmanyń vitse-spikeri Petr Tolstoimen jáne Resei Parlamentiniń tómengi palatasyndaǵy «Edinaia Rossiia», «KPRF», «LDPR», «Spravedlivaia Rossiia - Patrioty - Za pravdý» saiasi partiialarynyń jetekshilerimen birqatar kezdesýler ótkizdi.
