Taraz qalasyndaǵy «Balasaǵun» ortalyq kontsert zalynda Táýelsizdik kúnine arnalǵan saltanatty jiyn ótti. Onda aimaq basshysy Berdibek Saparbaev óńir turǵyndaryn kele jatqan merekemen quttyqtady, dep habarlaidy "Ult aqparat".
Budan soń oblys ákimi aimaqtyń damýyna úles qosqan jambyldyqtarǵa nagradalar tapsyrdy.
II dárejeli «Dostyq» ordenimen Qordai aýdany Sortóbe aýyldyq okrýginiń ákimi Iliias Býlarov jáne M.Qashqari atyndaǵy uiǵyr etnomádeni birlestiginiń tóraǵasy Muhabat Turdyeva marapattaldy.
Al, «Qurmet» orenine «Merke irimshik zaýyty» JShS direktory Dastan Aitólenov, Jýaly aýdandyq ardagerler keńesiniń tóraǵasy Estemes Amanbekov, «Agrofirma Túrikpen» JShS bas direktory Baýyrjan Ábildaev, K.Ázirbaev atyndaǵy oblystyq filarmoniianyń ártisi Anna Výnder, «Altais Group» JShS prezidenti Álimbek Jumabaev, ómirlik qiyn jaǵdaiǵa tap bolǵan balalardy qoldaý ortalyǵynyń direktory Aijan Meiirhanova, Jýaly aýdandyq máslihatynyń hatshysy Erǵali Tileýbekov jáne eńbek ardageri Shors Sharafýtdinov ie boldy.
Sondai-aq, II dárejeli «Eńbek dańqy» ordenin oblys ákiminiń qolynan «Qazfosfat» JShS «Qarataý» taý-ken óńdeý kesheniniń bas injeneri Muhamediiar Áripbaev, «QTJ Júk tasymaly» AQ filialy Shý lokomotiv paidalaný deposynyń teplovoz mashinisi Tólegen Barlybaev, «Qyzyl-Dihan qojalyǵy» óndiristik kooperativiniń mehanizatory Nikolai Ivkin, «Igilik» kópsalaly kásipornynyń kranshysy Rysqali Maisýpov jáne «Qazfosfat» JShS Mineraldy tyńaitqyshtar zaýyty ammofos tsehynyń apparatshysy Dúisen Shynqojaev aldy.
Sonymen qatar, «Jambyl oblysynyń qurmetti azamaty» ataǵy memleket jáne qoǵam qairatkeri, «Parasat» jáne «Qurmet» ordenderiniń iegeri Asqar Myrzahmetovke, meditsina ǵylymdarynyń doktory, oblystyq kópbeiindi aýrýhanasynyń hirýrgiia bóliminiń meńgerýshisi Saǵyndyq Ordabekovke, K.Ázirbaev atyndaǵy oblystyq filarmoniianyń Qazaq ulttyq aspaptar orkestriniń dirijeri Muhtarbai Rahmanqulovqa, «Qazfosfat» JShS «Qarataý» jáne «Sholaqtaý» filialdarynyń direktory Muratqali Sársenovke jáne Qazaqstan fýtbol federatsiiasy prezidentiniń keńesshisi Seidildá Baishaqovqa berildi.
Óz kezeginde Asqar Myrzahmetov jambyldyqtarǵa ystyq yqylasy men kórsetken qoldaýy úshin alǵys aitty.
«Maǵan áli kúnge deiin oblys turǵyndarynan alǵys-lebizder túsýde. Árine, bul - úlken qurmet. Biz birlese otyryp oblys úshin kóp is tyńdyrdyq. Alda tek jaqsylyqtar bolady dep senemin. Marapat úshin rahmet, bul - men úshin úlken mártebe», - dedi ol.
Kesh baǵdarlamasy K.Ázirbaev atyndaǵy oblystyq filarmoniiasynyń ujymy ázirlegen merekelik kontsertke ulasty.
