QR Premer-Ministri Asqar Mamin QR Tuńǵysh Prezidenti – Elbasy Nursultan Nazarbaev bastamashy bolǵan Indýstriialyq-innovatsiialyq damý memlekettik baǵdarlamasynyń, sondai-aq Memleket basshysy Qasym-Jomart Toqaevtyń óńirdiń áleýmettik-ekonomikalyq damýy boiynsha bergen tapsyrmalarynyń oryndalýyn qamtamasyz etý aiasynda Jambyl oblysyna jumys saparymen bardy. Bul jóninde Premer-ministrdiń baspasóz qyzmeti habarlady.
Sarysý aýdanynyń Jańatas qalasynda Úkimet basshysynyń qatysýymen Indýstriia jáne infraqurylymdyq damý ministrligi, Jambyl oblysynyń ákimdigi men álemdegi jetekshi mineraldy tyńaitqyshtardy óndirýshilerdiń biri «EvroHim» MHK» AQ arasynda mineraldy tyńaitqyshtardy shyǵaratyn zaýytty salý jáne paidalanýǵa berý týraly investitsiialyq kelisimge qol qoiyldy.
Jobaǵa investitsiialar kólemi shamamen $1 mlrd quraidy, zaýyttyń qýattylyǵy — jylyna 1 mln tonna tyńaitqysh. Resýrstyq bazasy Qarataý fosforly basseininiń ken orny bolady. Óndiris tehnologiiasy qorshaǵan ortaǵa barynsha az áser ete otyryp, iaǵni, fosfogips qaldyqtarynsyz joǵary sapaly fosforly jáne keshendi tyńaitqyshtar shyǵarýǵa múmkindik beredi.
Bir mezette jylyna 120 myń tonnaǵa jýyq kaltsii hloridi men keminde 400 myń tonna digidrat gipsi óndiriletin bolady, bul avtojol, munai-gaz óndirý, qurylys jáne aýyl sharýashylyǵy salalarynyń qajettilikterin óteidi.
Kásiporyndy 2021 jyly paidalanýǵa berý josparlanǵan, 2000-ǵa jýyq jańa jumys orny qurylatyn bolady.
Premer-Ministr quny 50 mlrd teńge bolatyn Jańatas jel elektr stantsiiasynyń qurylysy jobasymen tanysty. Birinshi kezeńde onyń qýattylyǵy 100 MVt quraidy, ekinshi kezeńde 200 MVt bolady. Qazirgi ýaqytta 19 jel generatory ornatyldy, 2020 jyldyń birinshi toqsanynda olardyń sany 40-qa deiin jetkiziledi.
Úkimet basshysyna 2020-2022 jyldary salynatyn «Qazaqsoda» JShS kaltsiilendirilgen soda óndiretin zaýyt qurylysyna daiyndyq barysy týraly baiandaldy. Yildirim Group túrik kompaniiasynyń jobaǵa salatyn investitsiialar kólemi 127 mlrd teńgege jýyqty quraidy. Kásiporyn birinshi kezeńde jylyna 400 myń tonna ónim shyǵaratyn bolady, perspektivada óndiris kólemin jylyna 1 mln tonnaǵa deiin arttyrmaq.
Taraz qalasynda A. Mamin óńirdegi jetekshi kásiporyndardyń biri — «Qazfosfat» JShS mineraldy tyńaitqyshtar zaýytyn aralady. Jyl basynan beri zaýyt 142 mlrd teńge somasyna ónim shyǵardy, bul ónimder negizinen ishki naryqqa shyǵaryldy jáne Resei, Qytai, AQSh, Germaniia, BAÁ elderine ishinara eksporttaldy.
Premer-Ministr «Sáýle» konditerlik fabrikasynyń 3-shi óndiristik jelisiniń iske qosylýyna qatysty, kásiporyn qosymsha 70 jańa jumys ornyn qurýǵa múmkindik beredi.
Úkimet basshysy sonymen qatar biyl 25 jeltoqsan kúni Jambyl oblysynyń 80 jyldyǵyna orai ashylǵan, «Kóne Taraz» tarihi-etnomádeni kesheni janyndaǵy Oblystyq tarihi-ólketaný mýzeiine jáne Kórkemóner galereiasyna bardy.
Biylǵy 11 aida Jambyl oblysynda óńdeý ónerkásibiniń kólemi — 319,5 mlrd teńgeni (+7%), negizgi kapitalǵa salynǵan investitsiialar kólemi 250,1 mlrd teńgeni (+10,5%) qurady. Iske asyrylý kezeńi 2020 jyldan 2025 jyl aralyǵyn qamtityn, 11 myńnan asa jańa jumys ornyn qurýmen 2,7 trln teńge somasyna 66 investitsiialyq jobadan turatyn pýl quryldy.
