QR Premer-Ministri Asqar Mamin Pavlodar oblysyna jumys sapary barysynda energetika, mashina jasaý, metallýrgiia ónerkásibi jáne qurylys materialdary óndirisi salalaryndaǵy investitsiialyq jobalardyń iske asyrylýymen tanysty, dep habarlaidy primeminister.kz.
Ekibastuz qalasynda Úkimet basshysyna QR Prezidenti Qasym-Jomart Toqaevtyń qalany damytýdyń 2021-2025 jyldarǵa arnalǵan keshendi josparyn ázirleý jónindegi tapsyrmasynyń oryndalý barysy týraly baiandaldy. Qujat jaily qalalyq ortany, ekonomikanyń naqty sektoryn damytý, jumyspen qamtamasyz etý, áleýmettik jáne injenerlik infraqurylymdy jaqsartý, ekologiialyq problemalardy sheshý boiynsha 118 is-sharany júzege asyrýdy kózdeidi.
2025 jylǵa qarai óńdeý ónerkásibiniń úlesin 4 ese — 5%-dan 20%-ǵa deiin arttyrý arqyly qala ekonomikasynyń otyn-energetika keshenine jáne taý-ken óndirisi salasyna táýeldiligin tómendetý kózdelgen. Mashina jasaý, AT-tehnologiialar, kómir himiiasy, qyzmet kórsetý salalarynda 16,5 myńnan astam jańa jumys orny qurylatyn bolady. Jospardy iske asyrýǵa 932,3 mlrd teńge qarastyrylǵan, onyń 84%-dan astamy — jeke investitsiialar.
Ekibastuz MAES-1-di aralaý kezinde «Samuryq-Qazyna» AQ basqarma tóraǵasy Almasadam Sátqaliev Premer-Ministrge QR atalǵan iri jylý elektr stantsiiasyn jańǵyrtý jónindegi jumystardyń barysy, Ekibastuz MAES-2 №3 jańa energiia blogyn salý jobasyn iske asyrý, sondai-aq elektr energetikasy salasyndaǵy basqa da investitsiialyq jobalar týraly baiandady.
Ekibastuz MAES-1-de elektr súzgilerin ornatýmen №1 energiia blogyn qalpyna keltirý jumystary júrgizilýde. Jobany iske asyrý stantsiianyń qýatyn 550 MVt-qa – 4050 MVt-qa deiin ulǵaitýǵa jáne kúl-qojdy joiýdyń zamanaýi tehnologiialaryn qoldaný esebinen qorshaǵan ortaǵa áserin aitarlyqtai tómendetýge múmkindik beredi. Jobanyń quny 123,7 mlrd teńgeni quraidy, bul rette stantsiiany paidalanýǵa berý merzimin qysqartyp, jobany 2023 jyly aiaqtaý kózdelgen. Osylaisha, qysqa merzimdi perspektivada QR ósip kele jatqan ekonomikasynyń qajettilikterin qamtamasyz etý, iri indýstriialyq jobalardy iske asyrý úshin shamamen 1200 MVt qýat iske qosylady.
Úkimet basshysyna Ekibastuz qalasynyń indýstriialyq aimaǵynda iske asyrý josparlanǵan, jalpy somasy 227,5 mlrd teńgege taý-ken óndirisi, metallýrgiia, kómir-himiia jáne óńdeý ónerkásibi salasyndaǵy perspektivaly investitsiialyq jobalar tanystyryldy. Qazaqstannyń metallýrgiia ónerkásibiniń iri jobalarynyń biri qýaty jylyna 240 myń tonna joǵary markaly ferrosilitsii jáne 12 myń tonna mikrokremnezemdi quraityn ferroqorytpa zaýytyn salý bolady. Jobany «EkibastuzFerroAlloys» JShS 2021-2023 jyldar aralyǵynda júzege asyrady. Joba quny 55 mlrd teńgeden asady.
Kásiporynnyń qurylysy kezinde 1,5 myń jumys orny, al ol iske qosylǵannan keiin 800 turaqty jumys orny ashylady. Jobany iske asyrý Qazaqstannyń ferroqorytpa naryǵyndaǵy eksporttyq áleýetin arttyrady jáne ferrosilitsii eksporttaýshylarynyń álemdik reitinginde QR pozitsiiasyn 5-orynnan 2-orynǵa deiin jaqsartýǵa múmkindik beredi.
«Ansa Silicon» kompaniiasy qýaty jylyna 35 myń tonna ónim shyǵarý bolatyn tehnikalyq kremnii óndiretin zaýyt salýdy josparlap otyr. Jobanyń quny – 40 mlrd teńgeden astam, ony 2023 jyly paidalanýǵa berý josparlanǵan. 400-ge jýyq jańa jumys orny qurylady.
Ónimderi AQSh, Japoniia jáne Eýropalyq Odaq elderine eksporttalady. Úkimet basshysy temir jol dóńgelekterin («Prommashkomplekt» JShS), temir jol osteri men dońǵalaq juptaryn («R.W.S. Wheelset»), temir-beton shpaldary men bileýler («R.W.S. Concrete»), bekitý buiymdaryn - serpimdi klemmalardy, burandamalar men buramalardy («FerroTransTreid») óndiretin kásiporyndarǵa bardy. Eksport kólemi ónimniń 70-80% quraidy. Ekibastuz qalasynda GFR jáne RF investorlarynyń qatysýymen «Railcast Systems» JShS ustalyq-bandaj kesheni qurylysynyń jobasyn júzege asyrý Qazaqstanda temir jol mashinasyn jasaýdy damytýǵa jańa serpin beredi.
Óndiristiń qýaty – jylyna lokomotivterge, úlken tisti dońǵalaqtardyń daiyndamalaryna jáne soǵylǵan buiymdarǵa arnalǵan 112 myń qara qursaý. Jobanyń quny – 70,1 mlrd teńge, iske asyrý merzimi – 2024 jyl, 600 jumys orny qurylady. Kásiporyndy iske qosý QR-nyń atalǵan ónimge ishki qajettiligin tolyq qamtamasyz etýge múmkindik beredi. Bul rette 81%-y syrtqy naryqtarǵa eksporttalatyn bolady.
Pavlodar qalasynda Premer-Ministr «Qazaqstan aliýminiii» AQ óndirisiniń damýymen jáne ekologiialyq strategiiasynyń iske asyrylýymen tanysty, túrli maqsattaǵy arnaiy tehnikany shyǵaratyn «TemirMash» zaýytyna, qurylys materialdaryn daiyndaityn «ZENITH» zaýytyna bardy. Biylǵy jyldyń 4 aiynyń qorytyndysy boiynsha Pavlodar oblysynda ónerkásip óndirisiniń kólemi 2020 jyldyń sáikes kezeńimen salystyrǵanda 4,2%-ǵa 573,7 mlrd teńgege deiin, onyń ishinde óńdeý ónerkásibi 5,9%-ǵa ósti.
Jumys saparyna ulttyq ekonomika ministri Áset Erǵaliev, indýstriia jáne infraqurylymdyq damý ministri Beibit Atamqulov, energetika ministri Nurlan Noǵaev, sondai-aq «Samuryq-Qazyna» AQ basqarma tóraǵasy Almasadam Sátqaliev qatysty.
