QR Premer-Ministri Asqar Maminniń tóraǵalyǵymen ótken QR Úkimetiniń selektorlyq otyrysynda 2019 jylǵy qańtar–tamyzdaǵy elimizdiń áleýmettik-ekonomikalyq damýynyń jáne respýblikalyq biýdjettiń oryndalýynyń qorytyndylary qaraldy.
Onyń dereginshe, halyqtyń jan basyna shaqqandaǵy ortasha ataýly aqshalai tabysy 2019 jylǵy qańtar-mamyrda 486 myń teńgeni qurady jáne 2018 jyldyń sáikes kezeńimen salystyrǵanda ataýly máninde 10,8%-ǵa, naqty máninde 1,7%-ǵa ósti.
2019 jyldyń qańtar-tamyz ailarynda JIÓ ósimi 2018 jyldyń sáikes kezeńimen salystyrǵanda 4,3% qurady.
Qurylysta – 11,8%, saýdada – 7,6%, kólik salasynda – 5,5%, aýyl sharýashylyǵynda – 3,6%, bailanys qyzmetinde – 3,4%, óńdeý ónerkásibinde, onyń ishinde mashina jasaýda – 18%, jeńil ónerkásipte – 17,4%, tústi metaldardy óndirýde – 17,9%, munai óńdeý – 6,2% salalarynda oń ósim dinamikasy baiqalady.
Úshinshi ai qatarynan infliatsiia 0,2% tómen deńgeiinde saqtaldy. Jyldyq infliatsiia maqsattyq dáliz sheginde tur jáne 5,5% qurady.
QR Premer-Ministri Asqar Mamin negizgi kórsetkishter boiynsha ekonomikalyq ósim Atyraý, Qaraǵandy, Qyzylorda, Túrkistan, Shyǵys Qazaqstan jáne Soltústik Qazaqstan oblystarynda baiqalatynyn atap ótti.
Úkimet basshysy Mańǵystaý, Qyzylorda, Batys Qazaqstan oblystarynda, Nur-Sultan jáne Shymkent qalalarynda qurylys, investitsiialar, ónerkásip, aýyl sharýashylyǵy jáne turǵyn úilerdi paidalanýǵa berý kórsetkishteriniń tómendeýine qatysty jaǵdaidy qysqa ýaqyt ishinde túzeýdi tapsyrdy.
«Ótken aptada Memleket basshysy Qazaqstan halqyna Joldaýyn jariialady. Onda Elbasynyń saiasatymen sabaqtastyq kórinis tabady jáne Úkimettiń ekonomikany odan ári damytýǵa baǵyttalǵan birqatar negizgi mindetteri belgilengen. Úkimettiń basty mindeti - JIÓ-niń jyl saiynǵy turaqty ósýin qamtamasyz etý jáne ony 2025 jylǵa qarai 5% jáne odan da joǵary deńgeige jetkizý.
Salalyq ministrlikterge bekitilgen nysanaly indikatorlardyń oryndalýyn qamtamasyz etý boiynsha jumysty kúsheitýdi tapsyramyn. 8 aidyń qorytyndysynda ekonomikanyń negizgi bazalyq kórsetkishteri boiynsha Atyraý, Qaraǵandy, Qyzylorda, Túrkistan, Shyǵys Qazaqstan jáne Soltústik Qazaqstan oblystarynyń ákimdikteri jaqsy jumys júrgizgenin atap ótkim keledi. Sonymen qatar, 8 aidyń kórsetkishterine sáikes qurylys Aqtóbe, Batys Qazaqstan, Qyzylorda, Mańǵystaý oblystarynda, ónerkásip elordada, Shymkent qalasynda investitsiialar boiynsha josparly kórsetkishter oryndalmai otyr. Óńirlerdiń ákimderine asa qysqa merzimde bul jaǵdaidy túzetýdi tapsyramyn»,- dedi Asqar Mamin», — dedi A. Mamin.
Osy jyldyń segiz aiynyń qorytyndysy boiynsha respýblikalyq biýdjetke kirister 6 958,3 mlrd teńgeni qurady (jospardyń 101,1%), ósý qarqyny 119,2% qurady. Esepti kezeńdegi respýblikalyq biýdjettiń igerilýi 98,9% qurady.
QR Premer-Ministri Asqar Mamin birqatar baǵdarlama ákimshilerinen baiqalyp otyrǵan biýdjettiń tolyq oryndalmaýyna bailanysty biýdjet qarajattaryn ýaqytyly igerýdi qamtamasyz etýdi tapsyrdy.
Jiynda QR ulttyq ekonomika ministri R. Dálenov, Ulttyq bank tóraǵasy E. Dosaev jáne QR Premer-Ministriniń birinshi orynbasary – qarjy ministri Á. Smaiylov baiandama jasady.
