QR Premer-Ministri Asqar Mamin I Kaspii ekonomikalyq forýmyna qatysý úshin jumys saparymen Túrikmenbashy qalasyna bardy, dep habarlaidy Úkimettiń baspasóz qyzmeti.
Forýmnyń plenarlyq otyrysyna Túrikmenstan Prezidenti G. Berdymýhamedov, Resei Úkimetiniń tóraǵasy D. Medvedev, Ázerbaijan Premer-Ministri N. Mamedov, Irannyń birinshi vitse-prezidenti E. Djahangiri, sondai-aq, Ózbekstan Premer-Ministri A. Aripov pen Bolgariia Premer-Ministri B. Borisov qatysty.
Forým jumysy aiasynda Qazaqstan Premer-Ministri Asqar Mamin men Túrikmenstan Prezidenti Gýrbangýly Berdymýhamedovtyń jumys kezdesýi ótti, onda eki el arasyndaǵy saýda-ekonomikalyq yntymaqtastyqty odan ári damytý máseleleri talqylandy. 2019 jyldyń birinshi jarty jyldyǵynda Qazaqstan men Túrikmenstan arasyndaǵy taýar ainalymy $68 mln qurady, bul ótken jyldyń sáikes kezeńiniń kórsetkishterinen 2,2 esege joǵary.
Taraptar shekara mańy aimaqtary arasyndaǵy yntymaqtastyqty nyǵaitýdyń mańyzdylyǵyna toqtalyp ótip, mashina jasaý, himiia ónerkásibi, metallýrgiia, aýyl sharýashylyǵy, týrizm, kólik, gaz salalaryndaǵy ekijaqty ózara is-qimyldy keńeitýdiń úlken áleýeti bar ekenin atap ótti.
QR Premer-Ministri Asqar Mamin sóilegen sózinde ekonomikalyq forýmdy ótkizý 2018 jylǵy 12 tamyzda Aqtaýda ótken Sammit kezinde qol jetkizilgen, Kaspii mańy memleketteriniń basshylarynyń ýaǵdalastyqtaryn iske asyrý joly ekenin atap ótti. QR Tuńǵysh Prezidenti – Elbasy N. Á. Nazarbaevtyń tóraǵalyǵymen ótken Aqtaý sammiti barysynda Kaspii teńiziniń quqyqtyq mártebesi týraly tarihi konventsiiaǵa qol qoiyldy.
Kaspiide ózara is-qimyldyń tiimdiligin arttyrý Qazaqstannyń jaǵalaý mańyndaǵy óńirlerin, kólik jáne energetika infraqurylymyn damytýǵa, ekologiialyq teńgerimdi jáne bioalýantúrlilikti saqtaýǵa oń áserin tigizedi, al bul QR Prezidenti Q. K. Toqaevtyń Kaspii mańy memleketteriniń yntymaqtastyǵyn damytý týraly nusqaýlaryna tolyqtai sáikes keledi.
Asqar Mamin Kaspii mańy memleketteriniń saýda-investitsiialyq, kólik, energetika, týrizm jáne ekologiia salalaryndaǵy ózara tiimdi yntymaqtastyǵyn jandandyrýǵa qajet birqatar bastamany usyndy.
Qazaqstan Úkimetiniń basshysy aimaq elderine investitsiialar tartý úshin qolaily jaǵdailar jasaý qajettigin atap ótti, sonyń ishinde «Astana» halyqaralyq qarjy ortalyǵy men Erkin saýda aimaqtary týraly áreket etip turǵan kelisimderdiń múmkindikterin paidalana otyryp jaǵdai jasaý qajet.
Asqar Mamin kólik júieleriniń fýnktsionaldy tolyqtyrylýyn jaqsartý jáne mýltimodaldy tasymaldar tiimdiligin arttyrý boiynsha usynystaryn jetkizdi. Sonymen qatar, Kaspiide týrizmdi damytý perspektivalary da atalyp ótti. Kaspii teńiziniń shipajailary jyl saiyn birneshe million týristi qabyldai alady.
Qazaqstan tarapy Kaspii teńiziniń ekojúiesin saqtaý jumystaryn kúsheitý qajettigine basa kóńil bóldi. Qazaqstanda qurylǵan Halyqaralyq jasyl tehnologiialar men investitsiialyq jobalar ortalyǵy taza tehnologiialardy engizýdiń tabysty platformasyna ainala alady.
Sonymen qatar, Qazaqstan Úkimetiniń basshysy Asqar Mamin Iran Islam Respýblikasynyń birinshi vitse-prezidenti Eshak Djahangirimen kelissózder ótkizdi, onda ekijaqty saýda-ekonomikalyq yntymaqtastyqtyń ózekti máseleleri talqylandy.
Kúnniń ekinshi jartysynda Asqar Mamin Túrikmenbashy qalasynyń teńiz portyndaǵy Halyqaralyq Kaspii innovatsiialyq tehnologiialar kórmesine bardy.
