QR Premer-Ministri Asqar Mamin QR Prezidenti janyndaǵy Tsifrlandyrýdy engizý máseleleri jónindegi komissiianyń otyrysyn ótkizdi, dep habarlaidy primeminister.kz.
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin men indýstriia jáne infraqurylymdyq damý birinshi vitse-ministri Qaiyrbek Óskenbaev Biryńǵai memlekettik jyljymaityn múlik kadastrynyń (BMJMK) aqparattyq júiesin qurý jónindegi jumys barysy týraly baiandady.
BMJMK memlekettik jer kadastrynyń avtomattandyrylǵan aqparattyq júiesiniń (MJK AAJ) jáne «Jyljymaityn múlik tirkelimi» memlekettik derekter qorynyń (JMT MDQ) 226 bytyrańqy derekqoryn shoǵyrlandyrdy.
Jer qory jáne jyljymaityn múlik obektileri týraly aqparatqa qoljetimdilik onlain-rejimde jumys isteitin jáne qazirgi ýaqytta 93,6%-ǵa toltyrylǵan Jariia kadastrlyq karta arqyly beriledi.
Biyl mamyr aiynda jer qatynastary salasynda memlekettik qyzmetterdi testilik rejimde kórsetý boiynsha pilottyq joba iske qosyldy.
BMJMK-ny ónerkásiptik paidalanýǵa engizýdi 2021 jyldyń sońyna deiin júzege asyrý josparlanǵan.
Budan ári BMJMK, memlekettik qala qurylysy kadastrynyń aqparattyq júielerin, «Mekenjai tirkelimin» jáne óńirlik geoaqparattyq júielerdi biriktiretin biryńǵai platforma qalyptastyrylatyn bolady.
Ekologiia, geologiia jáne tabiǵi resýrstar ministri Serikqali Brekeshev QR mineraldyq resýrstarynyń ulttyq derekter bankin qurý jónindegi jumys barysy týraly baiandady.
Bul aqparattyq júie investorlarǵa onlain-rejimde Qazaqstannyń ken oryndary boiynsha geologiialyq derekterdiń qoljetimdiligin qamtamasyz etedi.
Jer qoinaýyn paidalaný litsenziialaryn berý «birinshi keldi – birinshi aldy» qaǵidaty boiynsha tolyq avtomattandyrylady.
Memlekettik organdar úshin jer qoinaýyn paidalanýshylardyń monitoringi men taldaý quraldary qoljetimdi bolady.
Qazirgi ýaqytta tsifrlandyrýdy engizý qor aqparatymen tanysý, ótinim berý, kelisimge qol qoiý, geologiialyq aqparattyń kóshirmelerin berý siiaqty protsesterdi boldyrmaýǵa múmkindik berdi, bul jer qoinaýy týraly aqparat alý rásiminiń merzimin 6 aidan 1 jumys kúnine deiin qysqartty.
«QR mineraldyq resýrstardyń ulttyq derekter banki» AJ-yn 2022 jyldyń sońyna deiin engizý josparlanýda. Joba jer qoinaýy týraly aqparat alý merzimin qysqartýǵa jáne osy saladaǵy investitsiialyq áleýetti tolyq kólemde iske asyrýǵa múmkindik beredi.
QR-da qatty paidaly qazbalardy barlaýǵa sheteldik investitsiialardy tartýdyń jalpy kólemi 2030 jylǵa qarai 96 mlrd teńge kóleminde boljanyp otyr.
Saýda jáne integratsiia ministri Baqyt Sultanov azamattardyń jeke sáikestendirý nómirleri bazasynda ashylǵan elektrondyq ámiiandarǵa QR Ulttyq Bankiniń elektrondyq aqsha túrindegi áleýmettik tólemderdi aýdarýdy kózdeitin «áleýmettik ámiian» pilottyq jobasyn engizý jónindegi jumystardyń barysy týraly baiandady.
Infraqurylym retinde QR Ulttyq Bankiniń tólem júiesi – Lezdik tólemder júiesi qosylady.
Bul joba halyqty áleýmettik qoldaý quraldaryn jetildirýge jáne tólemderdi alýshylardyń esebine proaktivti túrde aýdarý múmkindigin qamtamasyz etýge múmkindik beredi.
Pilottyq joba 2021 jylǵy jeltoqsanda engiziledi, 2022 jyly ónerkásiptik paidalanýǵa beriledi, 2023-2024 jyldary «áleýmettik ámiian» Ulttyq taýar ótkizý júiesimen kiriktiriletin bolady.
Otyrysqa qatysýshylar sondai-aq 2025 jylǵa qarai keminde 100 myń bilikti IT-maman daiarlaý jónindegi mindetterdi iske asyrý máselelerin qarastyrdy.
Bes jyl ishinde QR óńirlerinde 20 innovatsiialyq baǵdarlamalaý mektebin ashý, 50 óńirlik JOO-ny IT-kompaniialar men beiindi IT-JOO qamqorlyǵyna berý, baǵdarlamalaý mektepterine 20 myń grant bólý josparlanýda.
2023 jyldan bastap Qazaqstannyń barlyq orta mektepterinde «Informatika» pánin UBT-ǵa engize otyryp, osy pán boiynsha «Virtýaldy muǵalim» jobasyn engizý josparlanýda (qazirgi ýaqytta ShQO-nyń 150 mektebinde aprobatsiialanýda).
Úkimet basshysy ekonomikany tsifrlandyrý, kadrlar daiarlaý jáne IT-salasyn damytý boiynsha josparlanǵan barlyq jobalardyń ýaqtyly jáne sapaly júzege asyrylýyn qamtamasyz etýdi tapsyrdy.
