QR Úkimet basshysy Asqar Mamin Ortalyq Aziia men Eýropalyq odaq elderin ekonomikalar ósimi men damýy úshin keńistikterdi qurý jumystaryn kúsheitýge shaqyrdy, dep habarlaidy QazAqparat.
«Bizdiń ekonomikalardyń ósimi men damýy úshin keńistikti qalyptastyrýda jumysty kúsheitýimiz kerek», - dedi A. Mamin Bishkekte «Eýropalyq Odaq – Ortalyq Aziia» ekonomikalyq forýmynda.
Osy oraida Úkimet basshysy erekshe mán beretin baǵyttarǵa toqtaldy.
«Halyqaralyq ortada aǵymdaǵy ahýal men perspektivalardy, «EO – Ortalyq Aziia» formatynda bizdiń yntymaqtastyqty qaita qurýdy eskere otyryp, damýdyń syni aspektilerine erekshe mán berý kerek. Birinshiden, bizdiń elderdiń qajettiligi men áleýetine sáikes keletin bizdiń ekonomikanyń óndiristik aktivteriniń integratsiiasy men jańa óndiristik turmystyq tizbekti qurý boiynsha ujymdyq jumysty jedeldetýimiz úshin asa mańyzdy», - dedi Premer-Ministr.
Budan buryn habarlanǵandai, búgin Bishkekte Premer-Ministrler deńgeiinde «Eýropalyq Odaq – Ortalyq Aziia» ekonomikalyq forýmy bastaldy.
