QR Premer-Ministri Asqar Mamin «Nur Otan» qoǵamdyq qabyldaýynda azamattardy jeke qabyldady, dep habarlaidy "Ult aqparat".
QR Premer-Ministri Asqar Mamin QR Tuńǵysh Prezidenti – Elbasynyń «Nur Otan» partiiasynyń Saiasi keńesinde bergen halyqpen keri bailanys quraldarynyń tiimdiligin arttyrý boiynsha tapsyrmasynyń, sondai-aq Memleket basshysy Qasym-Jomart Toqaevtyń Qazaqstan halqyna Joldaýynda qoiylǵan «Halyq únine qulaq asatyn memleket» memleketin qalyptastyrý boiynsha mindetterdiń aiasynda «Nur Otan» partiiasynyń respýblikalyq qoǵamdyq qabyldaýynyń alańynda azamattardy jeke qabyldaýdy ótkizdi.
«Nur Otan» qabyldaýyna elimizdiń túrli óńirleriniń turǵyndary elektrmen, sýmen qamtýmen qamtamasyz etýge, infraqurylymdy damytýǵa qatysty problemalarymen jáne basqa da máselelermen júgindi.
Kúmisjan Miftahova Aqmola oblysy Tselinograd aýdany Talapker kentiniń 14 myńnan astam turǵynynyń atynan atalǵan eldi mekendi elektrmen qamtamasyz etý máselesin kóterdi - kentte nebári 10 transformator qosalqy stantsiiasy jumys isteidi, sonyń saldarynan energiiamen qamtamasyz etýde problemalar týnydap otyr.
A.Mamin Energetika ministrligine jáne Aqmol oblysynyń ákimdigine qysqa ýaqyt ishinde úzdiksiz elektrmen qamtamasyz etýmen AREK balansyna barlyq elektrmen qamtý nysandaryn berý máselesin pysyqtaýdy, sondai-aq tariftegi aiyrmashylyqtardy azaitýdy qarastyrýdy tapsyrdy.
Almaty oblysynyń Qarasai aýdanynyń turǵyny Bazarkeldi Anisov qabyldaýǵa «Aqseńgir-Shamalǵan» temirjol ótpesinde kópir salý týraly ótnishimen júgindi.
«Kópir men jaiaý júrginshiler ótkeli salynyp, 2020 jyldyń sońyna deiin paidalanýǵa beriledi», - dedi A.Mamin.
Premer-Ministr Indýstriia jáne infraqurylymdyq damý ministrligine jáne Aqmola oblysynyń ákimdigine naqty tapsyrmalar berdi. Sonymen qatar jergilikti bilik oryndaryna turǵyndar men avtokólik quraldarynyń temir joldy kúndelikti ári qaýipsiz kesip ótýine bailanysty aǵymdaǵy máselelerdi sheshý tapsyryldy.
Almaty oblysy Eńbekshiqazaq aýdanynyń 330 turǵynynyń atynan partiia qabyldaýyna aýdandaǵy 11 kentte ortalyqtandyrylǵan sýmen qamtýdyń bolmaýy problemasyn sheshý ótinishimen Asyl Baitýlakov júgindi.
Úkimet basshysy qazirgi ýaqytta quny 4,5 mlrd teńge bolatyn toptyq sý tartqyshtaryn salý jobasy ázirlengenin aitty, bul kelesi jyldyń sońyna deiin týyndap otyrǵan aýdandy sýmen qamtamasyz etý máselesin sheshýge múmkindik beredi.
Atyraý qalasynan kelgen kásipker Ótemis Jumaǵaliev «Atyraý - Nur-Sultan» baǵyty boiynsha áýe biletteriniń qunyn tómendetý týraly máseleni kóterdi.
A. Mamin QR Tuńǵysh Prezidenti - Elbasy N. Nazarbaevtyń tapsyrmasyn oryndaý aiasynda áýe biletteriniń qunyny tómendetý jáne básekelestikti kúsheitý maqsatynda «FlyArystan» áýe kompaniiasy qurylǵanyn aitty, ol 2020 jyldyń mamyr aiynan bastap Atyraýǵa áýe reisterin oryndaýdy bastaidy. Bul rette áýe biletteri olardy aldyn ala satyp alǵan jaǵdaida eń tómengi tarif boiynsha satylatyn bolady (5-10 myń teńge). Sonymen qatar, kólik qatynasyn jaqsartý úshin «Atyraý-Aqtóbe» jáne «Atyraý-Astrahan» avtojoldary qaita jóndeledi.
«Nur Otan» partiiasynyń qoǵamdyq qabyldaýyna Shymkent qalasynyń 195-oramynyń (Badam) 3400 turǵynynyń atynan mektep muǵalimi Gúlnaz Ábdirova júgindi. Onyń aitýynsha, aýdanda elektr berýde únemi irkilister bar.
Premer-Ministr Shymkent q. 195-oramynyń 828 úiin elektrmen jabdyqtaý úshin 244 mln teńge bólingenin aitty. Jumystardy osy jyldyń jeltoqsan aiynda aiaqtaý kózdelgen. Sý qubyryn jáne gaz jelilerin salý kelesi jylǵa josparlanǵan.
Qaralǵan árbir júginý boiynsha Úkimet basshysy ákimdikterdiń, sondai-aq ministrlikter men vedomstvolardyń basshylyǵyna naqty tapsyrmalar berip, azamattardy kóterilgen máselelerdiń sheshimi jeke baqylaýyna alynatynyna sendirdi.
Aldaǵy ýaqytta azamattardyń ótinimderine shuǵyl áreket etý maqsatynda QR Premer-Ministri Úkimet múshelerine «Nur Otan» partiiasynyń qoǵamdyq qabyldaýlarynda halyqpen júieli túrde kezdesýler ótkizýdi tapsyrdy.
