30 qazanda Qazaqstannyń Premer-ministri Asqar Mamin Niderlandy Koroldigine resmi saparmen barady, dep habarlaidy "Ult aqparat".
«Bul - Qazaqstan Úkimeti basshysynyń eki jaqty qarym-qatynastar tarihynda Niderlandyǵa alǵashqy sapary bolady», - deidi QR SIM resmi ókili Aibek Smadiiarov QR Syrtqy ister ministrliginde ótken baspasóz otyrysynda.
Asqar Mamin sapar barysynda Niderlandy Premer-ministri Mark Riýttenmen kezdesedi.
«Kelissózder barysynda taraptar eki jaqty investitsiialyq jáne saýda-ekonomikalyq yntymaqtastyqtyń keleshegin talqylaidy dep kútilýde», - deidi ol.
Sondai-aq, QR Premer-ministri Asqar Mamin Qazaqstan-Golland biznes-forýmyna qatysady, birqatar kompaniialarmen kelissózder júrgizip, innovatsiialyq nysandardy aralaidy.
