Máskeýde «Skolkovo» innovatsiia ortalyǵynyń alańynda Táýelsiz Memleketter Dostastyǵy (TMD) Úkimet basshylary keńesiniń kezekti otyrysy ótti, dep habarlaidy "Ult aqparat".
Sharaǵa TMD elderiniń Úkimet basshylary men ókilderi qatysty. Qazaqstandyq delegatsiiany QR Premer-Ministri Asqar Mamin bastap bardy.
Úkimet basshylary shaǵyn quramda TMD formatyndaǵy ekonomikalyq ózara árekettestiktiń ózekti máseleleri boiynsha pikir almasty.
Keńeitilgen otyrysta tsifrlyq damý salasyndaǵy TMD-ǵa múshe elderdiń yntymaqtastyq tujyrymdamasy men ony júzege asyrýdaǵy birinshi kezektegi sharalar josparyna, sondai-aq TMD-ǵa múshe memleketterdiń aqparattyq qaýipsizdigin qamtamasyz etý strategiiasyna basty nazar aýdaryldy.
Sonymen qatar, Keńes otyrysy barysynda Dostastyq elderiniń standarttaý, veterinariia, monopoliiaǵa qarsy retteý, radio navigatsiiasyn damytý salalarynda, ýran óndirisi saldarynan zardap shekken memleket aýmaqtaryn qalpyna keltirýde, TMD elderiniń Oiyndaryn ótkizýde, sondai-aq zańsyz esirtki, psihotroptyq zattar men prekýrsorlar ainalymyna qarsy kúrestegi yntymaqtastyqty retteitin qujattarǵa qol qoiyldy.
Táýelsiz Memleketter Dostastyǵy organdarynyń qyzmetin qarjylyq qamtamasyz etý máselelerine jeke qujattar blogy arnaldy.
Sondai-aq, búgin tústen keiin Eýraziialyq ekonomikalyq odaq (EAEO) elderiniń Úkimet basshylary men Eýraziialyq ekonomikalyq komissiia (EEK) Alqasynyń tóraǵasy Tigran Sarkisiannyń qatysýymen Eýraziialyq úkimetaralyq keńestiń otyrysy ótedi.
Budan bólek, josparlanǵan is-sharalar aiasynda Qazaqstan Respýblikasynyń Premer-Ministri A.Mamin men RF Premer-Ministri D.Medvedevtiń ekijaqty kezdesýi ótedi.
