QR Premer-Ministri Asqar Mamin Túrkistan oblysyna jumys sapary aiasynda Maqtaaral aýdanyndaǵy qalpyna keltirý jumystarynyń barysyn, sondai-aq Túrkistan qalasynda infraqurylymnyń salynýyn tekserdi. Bul týraly "Ult aqparat" Úkimet basshysynyń baspasóz qyzmetine silteme jasap habarlaidy.
Maqtaaral aýdanynda Asqar Mamin turǵyndarmen kezdesýler ótkizip, Nurlyjol jáne Órgebas aýyldaryndaǵy qiraǵan turǵyn úilerdi qalpyna keltirý jumystarynyń barysymen, sondai-aq Myrzakent aýylynda sý tasqyny saldarynan zardap shekken Jeńis, Jańaturmys, Dostyq eldi mekenderinen 500 otbasyǵa arnalǵan jańa shaǵyn aýdannyń qurylysymen tanysty.
Túrkistan qalasynda Premer- Ministr jańbyrlatyp sýarý tehnologiiasyn engizýmen aýyl sharýashylyǵyndaǵy irrigatsiia jelilerin jańǵyrtý jáne turǵyndardy aýyz sýmen qamtý jumystarymen tanysty.
Úkimet basshysy Túrkistan qalasyndaǵy jetekshi aýyl sharýashylyǵy ónimderin óndirýshilerdiń egis alqaptaryn, materialdyq-tehnikalyq bazasy men ónimderin kórip, jergilikti fermelermen kezdesýde óńirdegi agroónerkásip biznesin odan ári damytý boiynsha jospardy talqylady.
Premer-Ministr Túrkistan qalasyndaǵy kólik, ákimshilik, áleýmettik-mádeni jáne týristik infraqurylym nysandaryn salý jumystarynyń barysyn tekserdi.
