2018 jylǵy 25–26 qyrkúiekte QR Premer-Ministriniń Birinshi orynbasary Asqar Mamin jumys saparymen Pekinge (QHR) bardy, dep habarlaidy "Ult aqparat" QR Premer-Ministriniń baspasóz qyzmetine silteme jasap.
Sapar aiasynda Asqar Mamin QHR Memlekettik keńesi Premeriniń orynbasarymen, QR–QHR Yntymaqtastyq komitetiniń teń tóraǵasy Han Chjenmen kelissózder júrgizip, iri investitsiialyq, qarjylyq, ónerkásiptik, qurylys, kólik-logistika korporatsiialarynyń basshylarymen birlesken investitsiialyq jobalardy iske asyrý máseleleri jóninde birqatar ekijaqty kezdesýler ótkizdi.
«Eki memlekettiń kóshbasshylary – QR Prezidenti Nursultan Nazarbaev pen QHR Tóraǵasy Si Tszinpinniń arqasynda Qazaqstan men Qytai arasynda eki jaqty qarym-qatynastyń barlyq salasynda yntymaqtastyqtyń joǵary deńgeiine qol jetkizildi. "Nurly jol" jáne "Uly Jibek jolynyń ekonomikalyq beldeýi" baǵdarlamalarynyń túiindesýi eki el arasyndaǵy investitsiialyq yntymaqtastyqtyń joǵary deńgeiin qamtamasyz etedi», — dedi Asqar Mamin Han Chjenmen kezdesý barysynda.
QR Birinshi Vitse-Premeriniń aitýynsha, QHR – negizgi saýda seriktesteriniń biri. Eki el arasyndaǵy syrtqy saýda ainalymy 2017 jyly 30%-dan astamǵa ulǵaiǵan. 2018 jyly baqylap otyrǵan joǵarǵy qarqyn taýar ainalymynyń kólemin $20 mlrd jetkizý týraly eki memlekettiń Basshylary alǵa qoiǵan mindetterge qol jetkizýge múmkindik beredi.
Kezdesý barysynda saýda-ekonomikalyq, qarjy, energetika, kólik jáne logistika, aýyl sharýashylyǵy, ónerkásip sektorlaryndaǵy, sondai-aq, shekara mańyndaǵy jáne aimaqaralyq bailanystardy damytý salasyndaǵy ekijaqty yntymaqtastyqtyń aýqymdy máseleleri talqylandy.
Asqar Mamin QR men QHR Yntymaqtastyq komitetiniń eki el arasyndaǵy jan-jaqty strategiialyq seriktestikti nyǵaitýdaǵy mańyzdy rólin atap ótti.
Qazirgi tańda Qazaqstan men Qytai indýstriia, kólik jáne logistika salalarynda jalpy quny $28 mlrd bolatyn 51 birlesken jobany júzege asyrýda. Atalǵan jobalardy tabysty iske asyrý ónimderi álemniń jetekshi naryqtaryna jetkiziletin birqatar aýqymdy óndiris oryndaryn qurýǵa múmkindik beredi. Jalpy $1,9 mlrd somasyna jańa 11 jobany birlesip júzege asyrý týraly kelisimge qol jetkizildi.
A. Mamin Pekin qalasyna jumys sapary barysynda CITIC Group, China Xin Xing Group Co., YTO Group Corp., Jiangxi Copper Company, Jiaxin Investment Resources, China Energy Engineering, CSI Solar Power Group, China CAMC Engineering Co., Lovol Heavy Industry, China Energy Engineering Corporation, China General Nuclear Power Group jáne t.b. kompaniialardyń basshylyǵymen kelissózder ótkizdi.
COSCO Shipping Corporation basshysy Hýan Siaovenmen jáne Lianiýngan portynyń basqarma tóraǵasy Din Jýimen kezdesýde transkontinenttik tasymaldardy jetildirý, sondai-aq, ortaq terminal men «Qorǵas – Shyǵys qaqpasy» AEA odan ári damytý máseleleri talqylandy.
«China Construction Bank» basshysy Van Tszýtszimen qarjy salasynda yntymaqtastyq ornatý máseleleri talqylandy. Premer-Ministrdiń Birinshi orynbasary A. Mamin AHQO-ǵa «Bir beldeý – bir jol» bastamasy aiasynda jobalardy qarjylandyrýǵa qytai bankteriniń «úlken altylyǵynyń» qatysýynyń jóndiligin jetkizdi.
Budan ózge, Pekinde Asqar Mamin Henan, Sychýan provintsiialarynyń jáne Chýntsin qalasynyń ákimshilik basshylarymen kezdesý ótkizdi.
QHR-ge jumys sapary aiasynda birqatar qujattarǵa qol qoiyldy:
- Qostanai oblysynyń ákimdigi, «Kazakh Invest» UK» AQ jáne HKC Corporation Limited «2018–2019 jj. Qostanai qalasynyń Indýstriialyq aimaǵynyń aýmaǵynda teledidar shyǵaratyn zaýyt salý» jobasyn iske asyrý jónindegi Jol kartasyna qol qoidy. Qostanai qalasynda teledidar shyǵaratyn zaýyt salý jumystary biyl bastalady. Kásiporynnyń josparly qýattylyǵy — jylyna 3 mln birlik. Bastapqy kezeńdegi investitsiialardyń josparly kólemi — $50 mln. Ónimdi ótkizetin maqsatty naryq — TMD elderi;
- «QTJ» UK» AQ, Huawei International Co.,LTD jáne Ili Baitexing Commercial Trading Co., LTD Elektrondy kommertsiiany damytý týraly kelisimge qol qoidy;
- «Agromash Holding KZ» AQ, Lovol Heavy Industry, «Kazakh Invest» UK» AQ jáne YTO «Aýyl sharýashylyǵy jáne jol-qurylys tehnikasyn shyǵarý» jobasyn iske asyrý jónindegi jol kartasyna qol qoidy.
