Búgin Úkimet úiinde QR Premer-Ministri Asqar Mamin halyqaralyq qarjy institýttarynyń ókilderimen — Qazaqstandaǵy Aziia damý banki ókildiginiń basshysy Djovanni Kapanellimen, QR-daǵy Islam damý banki óńirlik habynyń basshysy Hisham Taleb Marýfpen, Ortalyq Aziia boiynsha Halyqaralyq qarjy korporatsiiasynyń óńirlik ókildiginiń basshysy Kassandra Kolbertpen kezdesti, dep habarlaidy "Ult aqparat".
Kezdesýler barysynda yntymaqtastyqty jalǵastyrýdyń basym baǵyttary jáne Qazaqstan ekonomikasynyń túrli sektorlarynda birlesken jobalardy iske asyrý máseleleri talqylandy.
D. Kapanellimen kezdesýde ekijaqty ózara is-qimyl máseleleri, sonyń ishinde elimizdiń turaqty damýy men ósýi maqsatynda Memleket basshysy Nursultan Nazarbaev bastamashylyq etken Seriktestik týraly shekti kelisimdi iske asyrý máseleleri qaraldy.
Seriktestiktiń 2017–2021 jyldarǵa arnalǵan jańa strategiiasyn iske asyrý, bilimmen jáne tájiribemen almasý baǵdarlamasyn tehnikalyq qoldaý, qala infraqurylymyn jańǵyrtý, kólik salasy jáne logistika jobalaryn, sondai-aq, birqatar áleýmettik jobalardy júzege asyrý tásilderi talqylandy.
«Aziia damý banki Qazaqstannyń áleýmettik-ekonomikalyq jańǵyrýyna edáýir úles qosyp júrgen elimizdiń mańyzdy strategiialyq seriktesi», — dedi Premer-Ministr.
Qazaqstandaǵy Islam damý banki óńirlik habynyń direktory Hisham Taleb Marýfpen «Astana» halyqaralyq qarjy ortalyǵy aiasynda jańa birlesken jobalardy iske asyrý, sondai-aq óńirlik kólik infraqurylymyn, aýyl sharýashylyǵyn, energetikany, saýda-sattyqty, azyq-túlik qaýipsizdigin qamtamasyz etýdi damytý, sonyń ishinde memlekettik-jekemenshik áriptestik qaǵidaty boiynsha iske asyrýdaǵy ózara is-qimyldy keńeitý máseleleri talqylandy.
Qazaqstan postkeńestik keńistiktegi islamdyq banking pen qarjy qaǵidattaryn engizý boiynsha zańnamalyq túzetýlerdi qabyldaǵan birinshi el. Bank pen Qazaqstan arasynda yntymaqtastyqty damytýda mańyzdy qadam IDB Tobynyń Prezidenti doktor Bandar Hadjardyń AHQO Basqarý jónindegi Keńestiń quramyna enýi boldy.
«AHQO basqarýshy quramynda IDB ókiliniń bolýy onyń jetekshi halyqaralyq qarjy ortalyǵy retinde damýy úshin jaǵdailar týdyrýǵa yqpal etedi», — dedi A. Mamin.
Kassandra Kolbertpen kezdesýde Memleket basshysynyń bastamasy boiynsha qol qoiylǵan, ekonomikany ártaraptandyrý boiynsha seriktestik týraly Shekti kelisimdi iske asyrýdyń tabystylyǵy atap ótildi. Bul qujat 2020 jyldyń sońyna deiin sozylǵan.
Sonymen qatar, taraptar Qazaqstan damýynyń strategiialyq maqsattaryna jaýap beretin, seriktestiktiń 2019–2024 jyldarǵa arnalǵan eldik strategiiasynyń jobasyn talqylady.
